Երեկ լսեցի Ալիևի և Պուտինի անձնական բանագնաց, Բելառուսի նախագահ Ալեքսանդր Լուկաշենկոյի՝ Հայ ժողովրդի Ազգային արժանապատվությունը նվաստացնող «ում են պետք հայերը՝ բացի մեզնից» հերթական բարբաջանքը։
Ես չգիտեմ՝ հայեր ասելով ո՞ւմ նկատի ունի այս փոքրիկ կրեմլահպատակը, սակայն առաջադեմ ժողովուրդները գիտեն, որ աշխարհի քաղաքակրթությունը բովանդակող հայերը պետք են նախևառաջ աշխարհին՝ իրենց հոգևոր, գիտական ու մշակութային աստղային հարստությամբ…
Եվ եթե փորձեմ այդ համաստեղության մեջ հազարամյակների խորքից մինչև մեր օրերը թվարկել հայ հանճարների անուններն, ապա Բելառուսի տարածքն ու երկինքը հաստատապես չեն հերիքի։
Կարդացեք նաև
… Ավելի լավ է Լուկաշենկոն խոսի բոլշևիկների և Ստալինի համատեղ ջանքերով ծնած, իր պաշտելի Ադրբեջան կոչվող հարյուրամյա պետություն- բուտաֆորիայի նավթահորերի, օֆշորների, «ռազմավարի պուրակների», Հայաստանի տարածքների, ճարտարապետական, մշակութային արժեքների գողոնի մասին, կամ եթե կարող է, թող փորձի աշխարհի մեծութամբ գոնե մեկ ադրբեջանցի արվեստագետի անուն տալ։
Եվ վերջում՝
Խոր վրդովմունքով միանում եմ Հայաստանի հասարակական, քաղաքական և բոլոր այն կազմակերպություններին ու անհատներին, ովքեր դատապարտում են Բելառուսի նախագահ Ալեքսանդր Լուկաշենկոյին՝ հայ ազգի նկատմամբ ատելության կրկնվող քարոզի, հայերի նվաստացման և ազգային արժանապատվությունը վիրավորելու դիտավորությամբ՝ ազգամիջյան ատելություն հրահրելու համար, ինչպես նաև խրախուսում եմ նրա հանդեպ բարոյական ու իրավական բոլոր մեղադրանքների իրականացման պահանջները։
Անահիտ Քնարյան
Բանաստեղծ – հրապարակախոս
