Aravot.am-ի տեղեկություններով՝ Մալաթիա-Սեբաստիա վարչական շրջանի թիվ 94 մանկապարտեզի նախկին դաստիարակ Թամարա Գյուրջյանի՝ անչափահասի նկատմամբ ֆիզիկական ցավ կամ հոգեկան տառապանք պատճառելու դեպքով նախաձեռնված քրեական վարույթի նախաքննությունն ավարտվել է, գործն ուղարկվել դատարան:
Հիշեցնենք, որ Թամարա Գյուրջյանին մեղադրանք էր առաջադրվել ՀՀ Քր օրենսգրքի 196 –րդ հոդվածի 2-րդ մասի 3-րդ եւ 6-րդ կետերով: Հիշեցնենք նաեւ, որ դաստիարակի գործողություններից դրվագներ Aravot.am-ը ներկայացրել էր 2023 թվականի տարեվերջին:
Դաստիարակի գործողությունների հրապարակայնացումից մեկ օր անց տվյալ դաստիարակը, մանկապարտեզի տնօրենն ու վարչական շրջանի կրթության բաժնի պետը ազատվել էին աշխատանքից:
Դաստիարակը, մեր տեղեկություններով, հրաժարվել է նախաքննական ցուցմունք տալուց, իրեն առաջադրված մեղադրանքի մասով դիրքորոշում հայտնելուց եւ տուժող կողմի հետ առերեսվելուց:
Կարդացեք նաև
Արփինե ՍԻՄՈՆՅԱՆ
