«Ազատություն».Պուտինի՝ Բաքու այցի ֆոնին ռուսաստանյան պետական ՏԱՍՍ գործակալությունը Մոսկվայում Ադրբեջանի դեսպանին հարց է ուղղել Հարավային Կովկասում Վաշինգտոնի քաղաքականության վերաբերյալ։
«ԱՄՆ-ն դիտարկում է Կենտրոնական Ասիայի երկրներից դեպի համաշխարհային շուկաներ Հայաստանի և Ադրբեջանի տարածքներով նոր ցամաքային ճանապարհ ստեղծելու հնարավորությունը՝ շրջանցելով Ռուսաստանը և Չինաստանը։ Բաքվում մտահոգություն կա՞, որ Վաշինգտոնը կրկին փորձում է խարխլել հարավկովկասյան տարածաշրջանը», – հարցրել է ՏԱՍՍ-ը։
Դեսպան Փոլադ Բյուլբյուլօղլուն ուղիղ չի պատասխանել, փոխարենը հորդորել է «չքաղաքականացնել այդ հարցը»։
«Ես չէի քաղաքականացնի այդ հարցը։ Տրանսպորտային ցանկացած նախաձեռնություն ամենևին չի նշանակում, որ երբ բացվի նոր միջանցքը, բոլորն անմիջապես կթողնեն արդեն իսկ փորձարկված ու հարմար ճանապարհը և կվազեն դեպի նոր երթուղի։ Դա ամենևին էլ այդպես չի աշխատում»,- պատասխանել է ադրբեջանցի դիվանագետը՝ հավելելով, որ գործընթացը ժամանակատար է, մեծ ներդրումներ և բազմաթիվ երկրների համաձայնությունն է պահանջում։
Կարդացեք նաև
Դեսպանի համոզմամբ, տրանսպորտային միջանցքը «ապրանքների և մարդկանց փոխադրման հնարավորություն է»։
Նյութն ամբողջությամբ՝ սկզբնաղբյուր կայքում:
Լուսանկարը՝ Կրեմլի կայքից: Լուսանկարիչ՝ Միխայիլ Տերեշչենկո, TASS
