«Արմեն Աշոտյանը դասական քաղաքական գերի է»,- այսօր դատարանի մոտ, լրագրողների հետ զրույցում ասաց ՀՀԿ ԳՄ անդամ Էդուարդ Շարմազանովը՝ անդրադառնալով ՀՀԿ փոխնախագահ Արմեն Աշոտյանի գործին։ Ըստ պատմաբան Էդուարդ Շարմազանովի՝ այս դարաշրջանը հետագայում կբնութագրվի որպես «Նիկոլի գերության շրջան»։
Անդրադառնալով Հայաստանի եւ Ադրբեջանի միջեւ ստորագրվելիք, այսպես կոչված, խաղաղության պայմանագրին, Էդուարդ Շարմազանովը ուշադրություն է հրավիրում այն հանգամանքին, որ Հայաստանի եւ Ադրբեջանի միջեւ խաղաղության պայմանագիր չի ստորագրվելու, նման փաստաթուղթ չկա․ «Հնարավոր է ստորագրվի հռչակագիր, որն անհրաժեշտ է ԱՄՆ-ին՝ ընտրություններից առաջ։ Ադրբեջանի նախագահը շատ պարզ ասել է՝ մինչեւ ՀՀ-ն Սահմանադրությունը չփոխի, ինքը խաղաղության պայմանագիր չի կնքելու»։ Մեծ հաշվով, ընթացող գործընթացները Էդուարդ Շարմազանովը շարունակում է համարել՝ Հայաստանի ադրբեջանացման գործընթաց։
Մանրամասները՝ տեսանյութում.
Կարդացեք նաև
Հիշեցնենք, Արմեն Աշոտյանը մեկ տարի երկու ամիս կալանքի տակ է։ Այս փուլում դատավարությունն ընթանում է փակ ռեժիմով, քանի որ դատարանը հիմնական վկային է հարցաքննում, իսկ վերջինս այդպես է ցանկացել։ Հիշեցնենք նաեւ, որ Արմեն Աշոտյանը եւ գործով մյուս մեղադրյալները մեղադրվում են պաշտոնեական դիրքի չարաշահման եւ պետական միջոցների վատնման մեջ։ Նրանցից, ընդհանուր առմամբ, 905 միլիոն դրամի բռնագանձման պահանջ ունի դատախազությունը։
Նելլի ԳՐԻԳՈՐՅԱՆ
