Իրավապաշտպան Արթուր Սաքունցի ֆեյսբուքյան գրառումը
Ուրեմն, երեկ Վանաձորում կենտրոնական Տիգրան Մեծ պողոտայի վրա, մեր գրասենյակի դիմացի մայթի վրա երկու հոգի էին նվագում՝ մեկը պարկապզուկով, մյուսը լայն մակերեսով դհոլով /հետո իմացա, Իրանի քաղաքացիներ էին, որոնց հետ նաև ազգությամբ հայ աղջիկ/։
Նորույթ էր Վանաձորի համար, նաև հաճելի էր լսել անծանոթ երաժշտություն, դե Վանաձորի կենցաղի տեսակետից «խամ» երևույյթ։ Մարդիկ էլ հեռվից, մոտիկից լսում էին։
Ու հետո՞, ինչ է տեղի ունենում։
Տեղական մի քանի «հայրենասեր» ջահելներ մոտենում են, ու փորձում են ոչ միայն արգելել, թե բա՝ այստեղ հնդկական երաժշտություն չպետք է նվագեք, այլ նաև բռնություն են գործադրում մարդկանց նկատմամբ, որպեսզի դադարեցնեն նվագելը։ Մարդկանց նկատմամբ, որոնք ուղղակի ճամփորդում են Հայաստանով։
Կարդացեք նաև
Հիմա։ Իսկ ի՞նչ է անում ոստիկանությունը ռասիստական այս տիպիկ դրսևորման հետ կապված. քար լռություն։
Լավ, ենթադրենք երաժշտությունը հնդկական է, տանը հնդկական սերիալներ չեն նայում հա՞, ձեր տնեցիները։
Սա անգրագիտության ու բռիության խայտառակ դրսևորում է որոշ երիտասարդների մոտ։
Դե, իհարկե, կրթություն, դաստիարակություն չստացածները, երբ նման լկտի դրսևորումներով են երևում հրապարակավ, գտնում են, որ թունդ այլատյացությամբ դրսևորվող «հայրենասիրությունը» պաշտպանված է ու անպատիժ է մնալու։
Իսկ նման մտածելակերպի անթույլատրելիության դեմ ինչ է անում ոստիկանությունը, ճիշտ է՝ անգործություն։
Գոնե մի հատ հրապարակային դիրքորոշում, գնահատական հնչեցրեք ի լուր հանրության, որ նման ռասիստական դրսևորումներն անթույլատրելի են ու ժողովրդավարական պետությունում հասարակական կարգի դեմ ուղղված գործողություններ են, որոնք պատժելի են։
Ամոթ է։
