Դեպի Հայաստան նոր ճանապարհ. Վրաստանի կառավարությունը Մառնեուլիի շրջանում սեփականատերերից հող է օտարում` Ռուսթավի-Սադախլո նոր ավտոմայրուղու կառուցման համար

Վրաստանի կառավարությունը Մառնեուլիի շրջանում սեփականատերերից հող է օտարում Ռուսթավի-Սադախլո նոր ավտոմայրուղու կառուցման համար՝ մինչև Հայաստանի հետ սահման։

Էկոնոմիկայի նախարարի համապատասխան հրամանը հրապարակվել է Օրենսդրական տեղեկագրում։

Ծրագիրը ֆինանսավորում է Եվրոպական ներդրումային բանկը՝ Արևելք-Արևմուտք միջազգային նշանակության ճանապարհի նախագծի վարկային համաձայնագրի շրջանակում:

Նոր երթուղին, որն անցնելու է գործող ճանապարհին զուգահեռ, կունենա չորս գոտի, երկարությունը կլինի մոտ 30 կիլոմետր՝ ներառյալ 11 կամուրջն ու անցումները։ Շինարարությունը կարժենա 250 մլն եվրո։

Կարդացեք նաև

Քվեմո Քարթլիի շրջանը և Հայաստանը Թբիլիսիի հետ կապող ճանապարհը վերանորոգվում է. jnews.ge

• 20:45 15.02.2022

Ի՞նչ տեսք կունենա «Սադախլո-Բագրատաշեն» անցակետի կամուրջը

• 20:30 08.02.2021

Մառնեուլիի մուտքի մոտ՝ նորաբաց այգում, ադրբեջանցիները մեծ շուքով նշում էին Շուշիի «ազատագրումն» ու Ղարաբաղի «վերադարձը». «Ալիք մեդիա»

• 23:08 15.11.2020

Հրամանի տեքստից կարելի է եզրակացնել, որ մի քանի հողատերեր հրաժարվել են այն վաճառել կամ չեն համաձայնել առաջարկվող գնին, և այժմ հողամասերի օտարումը տեղի է ունենալու հարկադիր կերպով։ Հրամանում հղում է արվում Վրաստանի Սահմանադրության 19-րդ հոդվածին, ըստ որի, գույքի բռնագրավումը թույլատրվում է հանրային հրատապ կարիքների դեպքում՝ լրիվ և արդարացի փոխհատուցման պայմանով։

Հրամանում նշվում են Մառնեուլի շրջանի երեք սեփականատիրոջ անուն, որոնց գյուղատնտեսական նշանակության հողերն անհրաժեշտ են ճանապարհի կառուցման համար՝ Վանո Գոմիաշվիլի, Ռենատ Քերիմով և Նաիբ Ամիրովը:

1lurer.am