«Երբ երկրումդ ղեկավարություն չկա, ավելին, այն հետեւողականորեն ներկայացնում է Ադրբեջանի իշխանությունը մեր երկրում՝ ի՞նչ սպասելիք ունենանք»,- այսօր Դավիթաշեն համայնքի, 4-րդ թաղամասում, բնակիչների հետ հանդիպման ընթացքում՝ պատասխանելով լրագրողների հարցերին, ասաց «Տավուշը հանուն հայրենիքի» շարժման առաջնորդ Բագրատ սրբազանը:
Ադրբեջանի նախագահի հատուկ հանձնարարություններով ներկայացուցիչ Էլչին Ամիրբեկովը երեկ հայտարարել էր, որ Ադրբեջանը ՀՀ-ի հետ խաղաղության պայմանագիր չի ստորագրի, մինչեւ ՀՀ-ն իր Սահմանադրությունից չհանի Անկախության հռչակագրին վերաբերվող հատվածը:
Նա նաեւ ասել էր, որ Բաքուն առայժմ հետաձգում է «Զանգեզուրի միջանցքի» մասով իր պահանջը, առաջնայինը՝ ՀՀ Սահմանադրության փոփոխությունն է:
Պաշտոնական Երեւանը քիչ առաջ արձագանքնել է ադրբեջանցի պաշտոնյայի նշյալ հայտարարությանը:
Կարդացեք նաև
«Մեր բարեկամ պետությունն, Իրանը, շարունակաբար ասում է՝ հայեր մի մտահոգվեք, հանգիստ եղեք, մենք ձեզ պաշտպան ենք. սա վկայությունն է այն բանի, որ դու սեփական անվտանգություն չունես: Երրորդ երկիրը պի՞տի ասի՝ մի անհանգստացեք. խայտառակություն է սա»,- կարծում է սրբազանը՝ հռետորական հարց հնչեցնելով. «Ինչո՞վ եք զբաղված…Վահե Ղազարյանը փողեր է դնում թրի վրա, այն էլ ի՜նչ փողեր, արյունո՜տ…
էն մյուսը՝ ընտանիքով հեծանիվ է քշում… մեր ողբերգությունները շարունակվում են եւ դա իրենք փորձում են համերգներով շեղել»:
Թեմային անդրադարձավ նաեւ շարժման համակարգող մարմնի անդամ Գառնիկ Դանիելյանը:
Մանրամասները՝ տեսանյութում
Նելլի ԳՐԻԳՈՐՅԱՆ
