Shamshyan.com-ը հայտում է. այսօր՝ օգոստոսի 5-ին, ավտովթար է տեղի ունեցել Վայոց ձորի մարզում: Ժամը 11:10-ի սահմաններում իրանական համարանիշներով կցորդիչով «Mercedes» մակնիշի բեռնատարը Երևան-Մեղրի ավտոճանապարհի 143 կմ հատվածում, դեռևս անհայտ հանգամանքներում, կողաշրջվել է. 2 հոգի մարմնական վնասվածքներով տեղափոխվել է հիվանդանոց:
Երթևեկությունը դարձել է միակողմանի:
ՀՀ ՆԳՆ փրկարար ծառայությունը հայտնում է. փրկարարները վարորդին (Հ․ Հ․, ծնված 1964 թ․) և ուղևոր Մ․ Հ․-ին (ծնված 1989 թ․) մոտեցրել են շտապօգնության ավտոմեքենային, տուժածները հոսպիտալացվել են բժշկական կենտրոն, որտեղ բժիշկները նրանց առողջական վիճակը գնահատել են բավարար:
Փրկարարները հոսանքազրկել են ավտոմեքենան, սահմանազատել տարածքը։
Կարդացեք նաև
Բեռնատարից առկա է յուղի արտահոսք․ փրկարարների կողմից դեպքի վայրում իրականացվել է հերթապահություն և ճանապարհի լվացման աշխատանքներ:
Ավտոմեքենան ուղղելու համար անհրաժեշտ է հատուկ տեխնիկա։
