«Ամերիկայի ձայն». Tesla-ն ԱՄՆ-ում հետ է կանչել ավելի քան 1,8 միլիոն ավտոմեքենա, քանի որ վտանգ կա, թե այդ մեքենաներում կարող է լինել ծրագրային խափանում՝ այս մասին երեքշաբթի հայտնել է ԱՄՆ ավտոճանապարհների երթևեկության անվտանգության պետական ծառայությունը (NHTSA):
Խնդիրը վերաբերում է կապոտին, որը կարող է ինքնուրույնաբար բացվել՝ նման կերպ փակելով վարորդի տեսադաշտը: Հետկանչը հիմնականում վերաբերում է 2020-2024 թվականներին արտադրված Model 3, Model S, Model X և Model Y-ի որոշ մեքենաների:
Խնդիրը շտկելու համար Tesla-ն նոր ծրագրային թարմացում է թողարկել՝ հայտնում է NHTSA-ը:
Անցած ամիս Tesla-ն հայտարարել էր, թե ԱՄՆ-ում հետ է կանչում Cybertruck բեռնատարների մեծ մասը՝ դիմապակու մաքրիչների և արտաքին հարդարման հետ կապված խնդիրների պատճառով:
