Իսրայելի բանակը հայտնել է, որ Գազայի հատվածում իրենց գործողությունները ներառում են մարտեր Ռաֆահում և Խան Յունիսում: Նրանք նշել են, որ Գազայի հատվածում անցած օրվա ընթացքում ավիահարվածներ են հասցվել ՀԱՄԱՍ-ի շուրջ 35 օբյեկտներին:
Լիբանանի հարավում երկուշաբթի իսրայելական հարձակման հետևանքով զոհվել է երկու մարդ, ևս երեքը վիրավորվել են, հայտնում է Լիբանանի պետական լրատվական գործակալությունը:
Իսրայելը և «Հեզբոլլահը» ուժեղացված մարտեր են սկսել սահմանի երկայնքով հոկտեմբերին Գազայում պատերազմի մեկնարկից ի վեր, ինչը մտավախություն է առաջացրել ավելի լայն տարածաշրջանային հակամարտության վերաբերյալ:
Իսրայելի պաշտպանության նախարար Յոավ Գալանտն հայտնել է, որ իր ուժերը կապահովեն, որ «Հեզբոլլահը» պատասխան է տալու շաբաթ Լիբանանից սկսված հրթիռային հարձակման համար, որը հասել է Իսրայելի կողմից վերահսկվող Գոլանի բարձունքներում գտնվող ֆուտբոլի դաշտ: Հարձակման հետևանքով զոհվել է 12 երեխա։
Կարդացեք նաև
Իսրայելի հնարավոր պատասխան հարձակման վերաբերյալ մտահոգությունները ստիպեցին մի քանի ավիաընկերությունների չեղարկել թռիչքները Բեյրութից:
ԱՄՆ-ը և Իսրայելը մեղադրում են «Հեզբոլլահին» մահացու հրթիռային հարձակման համար, սակայն զինյալները հերքում են պատասխանատվությունը:
Գազայում պատերազմը սկսվել է հոկտեմբերի 7-ին՝ ՀԱՄԱՍ-ի կողմից Իսրայելի վրա հարձակման հետևանքով, որի ժամանակ զինյալները սպանել էին 1200 մարդու և պատանդ վերցրել մոտ 250-ին:
Իսրայելի կողմից Գազայում սկսված ռազմական արշավի հետևանքով սպանվել է ավելի քան 39,300 պաղեստինցի, նշել է Գազայի առողջապահության նախարարությունը:
