ՌԴ ԱԳՆ պաշտոնական ներկայացուցիչ Մարիա Զախարովան իր տելեգրամ-ալիքում մեկնաբանել է Իսրայելի ԱԳ նախարար Իսրայել Կացի հայտարարությունը, որը Թուրքիայի նախագահ Ռեջեփ Թայիփ Էրդողանին համեմատել էր Իրաքի նախկին նախագահ Սադամ Հուսեյնի հետ:
«Իրաքում ԱՄՆ-ի մեղքով տեղի ունեցածը, ամերիկյան արտաքին քաղաքականության բացարձակ չարիքի, նրա հանցավոր բնույթի և ապակառուցողական կողմնորոշման հոմանիշ է դարձել։
Իսրայելցի նախարարի խոսքն արդյոք միջազգային նման գործունեության հավանություն չի՞ նշանակում»,- գրել է նա:
Զախարովան նշել է, թե Իրաքում տեղի է ունեցել «ԱՄՆ-ի, Մեծ Բրիտանիայի և ՆԱՏՕ-ի այլ երկրների, ինչպես նաև նրանց միացածների հարձակում ինքնիշխան պետության վրա՝ կեղծ պատրվակներով»:
Կարդացեք նաև
«Մինչ այդ, ամերիկյան կառավարությունը համառորեն ստում էր և քարոզում Իրաքում զանգվածային ոչնչացման զենքի ենթադրյալ առկայության մասին։ Այնուհետև հետևեց արևմտյան երկրների կողմից Իրաքի անօրինական օկուպացիան, ինքնիշխան պետության օրինական առաջնորդի հանցավոր սպանությունը, խելագար մահապատիժների և հաշվեհարդարների շղթան պաշտոնյաների և քաղաքացիական անձանց նկատմամբ, ինչպես նաև երկար տարիներ իրաքյան պետականության նկատմամբ ծաղրանքը»,- գրել է Զախարովան՝ հավելելով.
«Ոչ ոք նույնիսկ չհաշվեց, թե քանի խաղաղ բնակիչ է զոհվել, նշում են հարյուր հազար, նույնիսկ մեկ միլիոն:
Երկրից վտարված իրաքցի զինվորականներն անցել են ընդհատակ և, ոչ առանց Արևմուտքի մասնակցության, վերածվել ԻԼԻՊ-ի»։
