Հարց 1․ Ո՞րն է այս արշավի նպատակը:
Պատասխան– Արշավը նպատակ ունի օգտագործելու ՄԱԿ-ի Կլիմայի փոփոխության հարցերով 29-րդ համաժողովի (COP 29) հարթակը՝ սատարելու Բաքվի բանտերում պահվող հայ պատանդների ու քաղբանտարկյալների ազատ արձակումը։ Գագաթնաժողովն անցկացվելու է այս տարվա նոյեմբերին Ադրբեջանում։ Արշավի նպատակն է նաև ընդգծելու Ադրբեջանի կողմից COP 29-ը որպես «Խաղաղության COP» ներկայացնելու կեղծավորությունը, երբ այդ գագաթնաժողովում քննարկվելու են նաև կլիմայի փոփոխությանն ու ցեղասպանությանն առնչվող հարցեր:
Հարց 2- Որո՞նք են արշավի հիմնական նպատակները:
Պատասխան– Արշավի հիմնական նպատակներն են՝
- 1. Պատանդների ազատ արձակում. ապահովել Բաքվի բանտերում պահվող 23 հայ պատանդների և այլ քաղբանտարկյալների ազատ արձակումը։
Իրազեկության բարձրացում. գեներացնել համընդհանուր գլոբալ իրազեկում Լեռնային Ղարաբաղում առկա խնդիրների և Արցախի ժողովրդի իրավունքների վերաբերյալ։
3. Կեղծավորության առերեսում. բացահայտել Ադրբեջանի գործողությունների և COP 29-ը որպես խաղաղության իրադարձություն ներկայացնելու միջև հակասությունները:
4. Միջազգային իրավունքի կիրառում. հանդես գալ ի պաշտպանություն կլիմայի փոփոխության և ցեղասպանության վերաբերյալ միջազգային կոնվենցիաների իրագործման:
5. Հայաստանի պաշտպանություն. բարձրացնելով ճնշումների մասին տեղեկացվածությունն ու ըմբռնումը՝ մենք նպատակ ունենք երկարաժամկետ հեռանկարում պաշտպանել Հայաստանը:
Հարց 3– Ո՞վ է առաջնորդում այս արշավը:
Պատասխան– Սա ապակուսակցական արշավ է, որն սկսվել է Միջազգային քրեական դատարանի (ՄՔԴ) առաջին դատախազ Լուիս Մորենո Օկամպոյի՝ գործողություն սկսելու կոչով: Այն գլխավորում են Հայաստանից և Սփյուռքից հայ համայնքների ու կազմակերպությունների ղեկավարներ, ինչպիսիք են, օրինակ, ԱՄՆ-ում գործող Ճշմարտության և արդարության կենտրոնը, ինչպես նաև քաղաքացիական ակտիվիստները: Այս արշավին հրապարակայնորեն հավանություն են տալիս և աջակցում են հայկական նշանավոր կազմակերպություններ, ազդեցիկ ու հայտնի մարդիկ։ Արշավը կոչ է անում աշխարհասփյուռ հայությանը և աշխարհի մտահոգ քաղաքացիներին միավորվել այդ գործի շուրջ:
Հարց 4- Ի՞նչ է COP 29-ը և ե՞րբ է այն տեղի ունենալու:
Պատասխան- COP 29-ը Կողմերի ամենամյա համաժողով է, որն անցկացվում է ՄԱԿ-ի Կլիմայի փոփոխության մասին շրջանակային կոնվենցիայի (UNFCCC) ներքո: Սա համաշխարհային գագաթնաժողով է, որտեղ երկրները հավաքվում են՝ քննարկելու և բանակցելու կլիմայի փոփոխության դեմ պայքարի գործողությունները: COP 29-ն այս տարի անցկացվելու է նոյեմբերի 11-22-ը Բաքվում։
Հարց 5- Ինչո՞ւ է COP 29-ը կարևոր այս արշավի համար:
Պատասխան- COP 29 գագաթնաժողովը գրավելու է աշխարհի ուշադրությունը՝ վճռորոշ առիթ դառնալով Լեռնային Ղարաբաղի ժողովրդի ծանր վիճակն ընդգծելու և նրա իրավունքների պաշտպանության համար: Սա հնարավորություն է բացահայտելու Ադրբեջանի կեղծավորությունը և ճնշում գործադրելու 23 հայ պատանդների և այլ քաղբանտարկյալների ազատ արձակման համար։
Հարց 6 –Ինչպե՞ս կարող եմ ներգրավվել:
Պատասխան– Ներգրավվելու մի քանի եղանակ կա. սոցիալական ցանցերում առնվազն մեկ գրառում կատարեք և մեկնաբանեք ամեն օր՝ օգտագործելով հետևյալ հեշթեգները՝
#COP29 #StopGreenwashGenocide #FreeArmenianHostages #FreePoliticalPrisoners
Մասնակցեք միջոցառումներին ինչպես օնլայն, այնպես էլ օֆլայն:
Տարածեք տեղեկությունները՝ ընկերներին ու մտերիմներին իրազեկելով այս խնդրի պատճառների մասին:
Հարց 7- Ինչի՞ մասին հրապարակում անեմ/թվիթ անեմ:
Պատասխան– Դուք կարող եք խնդրի վերաբերյալ Ձեր մտքերը հրապարակել կամ թվիթ գրել, կիսվել անձնական պատմություններով, հրապարակել փաստեր և վիճակագրություն, վերահրապարակել/վերաթվիթել նորություններ և թեմային առնչվող կոնտենտ, ինչպես նաև օգտագործել արշավի կողմից տրամադրված թվիթների և գրաֆիկայի օրինակները: Չմոռանա՛ք օգտագործել պաշտոնական հեշթեգները Ձեր բոլոր թվիթներում:
Հարց 8- Կարո՞ղ եմ ստեղծել իմ սեփական կոնտենտը:
Պատասխան- Այո։ Մենք խրախուսում ենք Ձեզ ստեղծել և կիսվել Ձեր սեփական կոնտենտով, որը վերաբերում է արշավի նպատակին: Անձնական պատմությունները և բացառիկ հետաքրքիր տեսակետները կարող են շատ ազդեցիկ լինել: Հիշե՛ք, որ Ձեր բոլոր թվիթներում պետք է օգտագործել պաշտոնական հեշթեգերը:
Հարց 9- Ե՞րբ է ավարտվում արշավը:
Պատասխան- Արշավը կշարունակվի մինչև COP 29 գագաթնաժողովի ավարտը՝ նոյեմբերի 22-ը, եթե մինչև այդ մեր պահանջները չկատարվեն:
Հարց 10- Ի՞նչ կապ կա կլիմայի փոփոխության և ցեղասպանության միջև:
Պատասխան- Ե՛վ կլիմայի փոփոխությունը, և՛ ցեղասպանությունը կարգավորվում են միջազգային կոնվենցիաներով, համապատասխանաբար, ՄԱԿ-ի Կլիմայի փոփոխության շրջանակային կոնվենցիայով (1992 թ.) և ցեղասպանության կոնվենցիայով (1948 թ.): Այնուամենայնիվ, այս կոնվենցիաները կյանքի չեն կոչվել արդյունավետ կերպով։ Արշավի նպատակն է ընդգծել այս սկզբունքների ավելի լավ կիրառման անհրաժեշտությունը՝ ինչպես գլոբալ տաքացման, այնպես էլ շարունակվող ցեղասպանությունների, այդ թվում՝ Լեռնային Ղարաբաղում տեղի ունեցող ցեղասպանության դեմ պայքարը:
Հարց 11- Ինչու՞ կենտրոնանալ Ադրբեջանի հանածո վառելիքի արդյունաբերության վրա:
Պատասխան- Ադրբեջանի տնտեսությունը մեծապես հենվում է հանածո վառելիքի վրա, որը ջերմոցային գազերի արտանետումների հիմնական աղբյուրն է: Եվ չնայած դրան՝ Ադրբեջանում անցկացվում է COP 29-ը, որն ուղղված է կլիմայի փոփոխության դեմ պայքարին: Սա աղաղակող կեղծավորություն է, քանի որ այդ երկիրը զբաղվում է նաև հայերի նկատմամբ մարդու իրավունքների ոտնահարմամբ: Այս հակասության ընդգծումն արշավի առանցքային կողմն է։
Հարց 12- Ի՞նչ կարելի է հասնել այս արշավի միջոցով:
Պատասխան– Մոբիլիզացնելով գլոբալ աջակցությունը՝ արշավը նպատակ ունի հասնելու նրան, որ COP 29-ը ոչ միայն անդրադառնա կլիմայի փոփոխության հարցերին, այլև մարդու իրավունքների և արդարության պաշտպանությանը: Նպատակը հայ պատանդների ու քաղբանտարկյալների ազատ արձակումն է և Ադրբեջանին իր գործողությունների համար պատասխանատվության ենթարկելը։ Արշավը նպատակաուղղված է նաև երկարաժամկետ հեռանկարում պաշտպանելու Հայաստանը։
Հարց13. Ո՞ւմ հետ կարող եմ կապ հաստատել, եթե ավելի շատ հարցեր ունեմ:Պատասխան– Եթե լրացուցիչ հարցեր ունեք, ապա կարող եք դիմել մեզ՝ գրելով հետևյալ էլեկտրոնային փոստին՝ [email protected] :
