Երեւանի քաղաքապետարանի գործակարգավարական խորհրդակցության ժամանակ ի թիվս այլնի՝ քաղաքապետ Տիգրան Ավինյանին տեղեկացրին, որ համապատասխան գրություններ են ուղարկվել վարչական շրջանների ղեկավարներին, վերջիններս էլ ծանուցագրեր են ուղարկել անշարժ գույքի սեփականատերերին կամ այն օգտագործող անձանց՝ նրանց կողմից օգտագործվող կամ նրանց պատկանող անշարժ գույքի հատակից տարածքում պարտադիր բարեկարգման, այդ թվում՝ ոչ պիտանի տրանսպորտային միջոցների, հենակմախքների եւ այլ իրերի տեղափոխման աշխատանքները կազմակերպելու վերաբերյալ:
Նշվեց, որ կազմակերպվել եւ այլ տարածքներ են տեղափոխվել 31 ոչ պիտանի տրանսպորտային միջոցների հենակմախքներ ու ավելի քան 80 այլ իրեր:
Տիգրան Ավինյանը գոհունակությամբ նշեց, որ կատարված աշխատանքն արդեն տեսանելի է տեղերում, բայց պետք է շարունակական լինի: «Քաղաքը պետք է բոլոր հին ավտոմեքենաներից եւ նրանց կմախքներից մաքրենք եւ ազատենք»,-ասաց նա:
Գոհար ՀԱԿՈԲՅԱՆ
Կարդացեք նաև
Հ. Գ. 2019-ի նոյեմբերի 25-ին Նիկոլ Փաշինյանն իր ֆեյսբուքյան էջում գրել էր. «Սիրելի հայրենակիցներ. ավտոմեքենաների հնամաշ թափքերը (կմախքները) որպես մետաղի ջարդոն հանձնելու հարցերով կարող եք դիմել հետեւյալ հասցեներով.
- Երևան
– Այվազովսկու 4/2
– Արտաշատյան խճուղի 5/1
Հեռախոս՝ 091-41-59-36
- Գյումրի
– Գյումրու կայարանամերձ տարածք, հեռ. 077-41-99-51
– Շարա Տալյան 7/2, հեռախոս 093-85-89-99
- Վանաձոր
Հյուսիսային փ. 14, հեռախոս 093-41-81-16
- Մասիս
Սայաթ Նովա 15, հեռախոս 093-24-03-32
5.Չարենցավան
Երևանյան 2, հեռախոս 098-89-92-73
Բոլոր նշված հասցեներում մեքենաների չկտրտված կմախքները գնվում են 1 տոննան 10-12 հազար դրամով: Գնումը կատարում է «Մետեքսիմ» ՍՊԸ-ն:
Ուշադրություն – Բոլոր այն դեպքերում, երբ մի տեղում կուտակված կլինեն ոչ պակաս, քան 12 ավտոմեքենայի կմախք, ընդունող կազմակերպության տեխնիկան կմոտենա տվյալ տարածքին եւ կիրականացնի ավտոմեքենաների կմախքների տեղափոխումը:
Առավել մանրամասն տեղեկություններ կարող եք ստանալ վերը նշված հեռախոսահամարներով: Եթե զբաղված լինի, ավելի ուշ զանգեք: Դա նշանակում է շատերն են զանգում:))»:
