«Ռոսսելխոզնադզորը» մտահոգված է այս տարի հաճախակի դարձած բուսական ծագման ոչ անվտանգ արտադրանքի արտահանման դեպքերով
«Սպուտնիկ Արմենիա». Այս խնդիրները առցանց բանակցությունների ընթացքում քննարկել են «Ռոսսելխոզնադզորի» և հայկական տեսչության ներկայացուցիչներ Յուլիա Շվաբաուսկենեն և Սոնա Ծառուկյանը:
Հայաստանի բուսասանիտարական հավաստագրերի ուղեկցությամբ արտադրանքում բացահայտվում են ԵԱՏՄ-ի համար կարանտինային օբյեկտներ, արձանագրվել են նաև պեստիցիդների և ագրոքիմիկատների պարունակության գերազանցման փաստեր: Մինչև խախտումների պատճառների հետաքննության ավարտը կասեցվել է հայկական 16 մատակարարներից ապրանքների առաքումը շուկա։
Գերատեսչության տվյալներով ՝ հուլիսի 23-ի դրությամբ Հայաստանից ռուսական շուկա է ներմուծվել 73,9 հազար տոննա պտուղ-բանջարեղեն, ինչը գրեթե համապատասխանում է 2023 թվականի նույն ժամանակահատվածի ցուցանիշին։ Հիմնական ծավալը բաժին է ընկնում ծիրանին (28,8 հազար տոննա), խնձորին (12,4 հազար տոննա), լոլիկին (8,7 հազար տոննա), պղպեղին (5,7 հազար տոննա)։
Կարդացեք նաև
