Չարենցավան համայնքի բնակիչները շարունակում են բողոքի ցույցեր անել, պահանջելով Հրազդանից Չարենցավան հետ բերել անձնագրային բաժինը։
Ցուցարարները խնդրի լուծման հնարավոր տարբերակներ քննարկելու համար այցելեցին Կոտայքի մարզպետարան եւ զրուցեցին մարզպետ Ահարոն Սահակյանի հետ:
Քաղաքացիների պնդմամբ, երբ որեւէ ենթակառույց մի համայնքից տեղափոխում է մեկ այլ համայնք՝ նշանակում է, որ մեկում տեղի է ունեմում զարգացում, իսկ մյուսում՝ ոչ, ներկայումս այդ խնդիրը առաջացել է Չարենցավանի եւ Հրազդանի միջեւ։
Կարդացեք նաև
«Չարենցավանում չեն գործում հարկադիր ծառայություններ, դատախազություն, սանէպիդկայաններ, զինկոմիսարիատ նաեւ տարան անձնագրային բաժինը նաեւ»,- հավելեց քաղաքացին։
Ի պատասխան դժգոհությունների՝ Կոտայքի մարզպետն ասաց. «Քաղաքը չի զարգանում զինկոմիսարիատով, անձնագրային բաժնով, ոչ էլ ոստիկանության բաժանմունքով։ Համայնքները զարգանում են տնտեսապես արժեք ստեղծող հիմնարկներով, օրինակ՝ մանկապարտեզներով, դպրոցներով եւ նմանատիպ կրթական եւ մշակութային օջախներով»
Մարզպետը ցույցի նախաձեռնող Գեւորգ Հակոբայնին 2 օր հետո էր սպասում մարզպետարանում, նշելով որ հավելյալ տվյալներ կունենար. «Կհանդիպենք այնքան մինչեւ հարցը լուծում ստանա, բայց լուծումը իմ եւ ձեր պատկերացմամբ նույնը չէ»,- ասաց Ահարոն Սահակյանը։
Մարզպետի խոսքով՝ անձնագրային բաժինների խոշորացման խնդիրը բոլորս տեսնում ենք, բայց հիմնական նպատակը այն է, որ բնակիչները չհասնեն անձնագրային բաժին, այլ էլեկտրոնային տարբերակով կարողանա իրենց ծառայությունները ստանալ, այդ ուղղությամբ եւս աշխատանքներ են կատարվում։
Ի պատասխան մարզպետին՝ քաղաքացին ասաց, որ պետք էր էլեկտրոնային տարբերակը կիրառության մեջ լիներ՝ նոր տեղափոխություն կատարվեր։
Դեռ հստակ պատասխաններ չուներ մարզպետ Ահարոն Սահակյանը։ Ասում է, որ քննարկումներ տեղի կունենա, իսկ այս պահին արդյունք չունեն։
Լաուրա ՀԱՐՈՒԹՅՈՒՆՅԱՆ
