Արդյոք Տավուշի մարզի Կիրանց գյուղում կադաստրի կոմիտեի կողմից իրավունքների պետական գրանցումները կատարվել են ոչ ճշգրիտ տվյալների հիման վրա, ինչպես նշվել էր ՀՀ արդարադատության նախարարության տարածած հաղորդագրության մեջ՝ «Արմենպրեսի» մամուլի սրահում նման հարց ուղղվեց ՀՀ կադաստրի կոմիտեի ղեկավարի խորհրդական Արմեն Ալեքսանյանին՝ վկայակոչելով այն փաստը, որ այս իշխանությունների օրոք անպաշտպան են կիրանցիների գույքային իրավունքները։
«Ես միայն կարող եմ ասել, թե օրենքով ինչ է նախատեսված։ Իսկ օրենքով նախատեսված է, որ Կիրանցում տրված կադաստրի վկայականները համարվում են ճիշտ և ունեն ապացուցողական ուժ, քանի դեռ դատարանով անվավեր չեն ճանաչել այդ գրանցումները։ Ճիշտն ասած, մնացած տեղեկատվությանը չեմ տիրապետում, հնարավոր է, որ այդպիսի դեպքեր լինեն, չեմ բացառում, բայց կարծում եմ` սահմանված կարգով ամեն ինչ կիրականացվի»,– ասաց Արմեն Ալեքսանյանը`պատասխանելով հարցին, թե ինչու Կիրանցում, մարդիկ, ունենալով կադաստրի վկայականներ, կորցրեցին իրենց գույքը՝ տներն ու հողամասերը։
Գոհար ՀԱԿՈԲՅԱՆ
