«Քանի որ համակարգն ամբողջությամբ նոր տրամաբանություն ունի և այն մարդիկ, որոնք ավելի շատ են օգտվում տրանսպորտից, միգուցե ավելի էժան լինի նրանց համար, բայց այն մարդկանց համար, որոնք ավելի նվազ են օգտվում տրանսպորտից, գուցե նրանց համար ավելի թանկ լինի»,- լրագրողների հարցին՝ հանրային տրանսպորտի՝ վճարային էլեկտրոնային տարբերակին անցման դեպքում տրանսպորտը կթանկանա՞, մամուլի ասուլիսի ժամանակ այսպես պարզաբանեց Երևանի քաղաքապետ Տիգրան Ավինյանը։
Նա նշեց, որ նոր համակարգին անցումը տեղի է ունենալու հունվարի 1-ից․ «Այս շրջանում մենք գտնվում ենք տոմսային համակարգի ներդրման փորձնական շրջանում։ Խնդիրներն ենք վերհանում, լուծում՝ մինչև ամբողջական լուծենք այդ խնդիրները և ներդնենք համակարգը։ Ունենալու ենք նաև հնարավորություն տերմինալների միջոցով տոմսեր գնելու, բանկային քարտի միջոցով ուղիղ տոմս գնելու կամ դրա փոխարեն վճարում անելու։ Ուզում ենք, որ ամբողջական համակարգը պատրաստ լինի, որ վստահ լինենք, որ աշխատում է, բոլոր խնդիրները լուծված են, այնուհետև հունվարի 1-ից ներդնենք»։
Կարդացեք նաև
Տաթև ՀԱՐՈՒԹՅՈՒՆՅԱՆ
