FlyOne ավիաընկերությունում բացատրել են, թե ինչու ուղևորների մի մասին թույլ չեն տվել Երևան-Քիշնև չվերթի ինքնաթիռ նստել:
Ինչպես «Սպուտնիկ Արմենիա»-ին հայտնեց տնօրեն Արամ Անանյանը, խնդիրը գործառնական-տեխնիկական բնույթ է կրում։ Ինքնաթիռը, որն իրականացնում էր թռիչքը, տարողունակությամբ ավելի փոքր էր, քան այն ինքնաթիռը, որով ի սկզբանե նախատեսված էր թռիչքը:
Տեխնիկական անսարքությունների պատճառով ինքնաթիռը փոխարինելուց և ավելի փոքր ինքնաթիռ ընտրելուց հետո ուղևորների տեղերը բաշխվել են էլեկտրոնային համակարգով: Այլ կերպ ասած, համակարգիչը ինքն է «ընտրել», թե ում «տեղավորել»։ Արդյունքում նրանք, ում համակարգը «չի ընտրել», չեն թռել։
Անանյանը վստահեցրեց, որ ուղևորների հետ այժմ աշխատանքներ են տարվում իրավիճակը կարգավորելու ուղղությամբ: Նրանց առաջարկվել են տարբերակներ, այդ թվում՝ չվերթներ վաղվա և հուլիսի 26-ի համար։
Կարդացեք նաև
Մանրամասները՝ սկզբնաղբյուր կայքում:
