«Այսօր մենք Գեղարքունիքի մարզում ենք, որի ճակատագիրը նույնպես օդում կախված է։ Ադրբեջանում կազմում են ցուցակներ, որոնցում գրված են այն բնակավայրերի անունները, որտեղ պետք է «վերաբնակեցնեն» ադրբեջանցիներին։ Ըստ Ադրբեջանի՝ համաձայնություն կա հայկական կողմի հետ, որպեսզի «փախստականները» վերադառնան այստեղ»,- Նորատուսում ասաց ԱԺ Հայաստան խմբակցության պատգամավոր Գառնիկ Դանիելյանը:
«Իշխող կուսակցությունն օրերս ավետեց նոր պատերազմի մասին։ Երբ ամիսներ, տարիներ շարունակ ասում էինք, որ թշնամին չի հրաժարվելու իր ծրագրերից ու գնալու է նոր տարածքներ, նոր բնակավայրեր զավթելու ճանապարհով, շատերը թերահավատորեն էին նայում, ոմանք էլ անջատել էին այդ ուղղությամբ բանականությունը եւ մտածում էին, որ ջայլամի քաղաքականություն վարելով կկարողանան թշնամուն հակահարված տալ»։
Գոհար ՀԱԿՈԲՅԱՆ
