«Վատ է, որ Փաշինյանն Ալիևին հասցրել է այն մարզավիճակին, որ նա տարբեր մատներ է բարձրացնում` ՀՀ-ի մասին հարցերին ի պատասխան, բայց բովանդակային առումով դեռ վաղ է խոսել»,- իր գործով նիստի ավարտից հետո լրագրողների` Նիկոլ Փաշինյանի և Իլհամ Ալիևի լոնդոնյան այցի մասին հարցին այսպես պատասխանեց ՀՀԿ փոխնախագահ Արմեն Աշոտյանը։
Հիշեցնենք, Լոնդոնում Ադրբեջանի և Հայաստանի միջև խաղաղության համաձայնագրի վերաբերյալ հարցին ի պատասխան Նիկոլ Փաշինյանը լռել էր, իսկ Իլհամ Ալիևը գոհունակության ժեստ արել` բութ մատով։
Բուն հանդիպմանը և դրա արդյունքներին Արմեն Աշոտյանը բովանդակային անդրադարձ չարեց` ասելով, որ նման հանդիպումների փաստաթղթերը պետք է կարդալ ճշգրիտ վերլուծությունների համար։
Լրագրողները նաև հետաքրքրվեցին Հայաստանի պաշտպանական գերատեսչությունում ամերիկյան բանակի ներկայացուցիչ ունենալու մասին:
Կարդացեք նաև
«Ինքնիշխանության մասին թմբկահարող ղեկավարությունն իրավունք չունի ոչ մի ոլորտում, անգամ ազգային բալետի, դրսից խորհրդատուներ է բերել։ Հուսով եմ ԱՄՆ ներկայացուցիչը Թուրքիայի ներկայացուցչի տեղը չի գալիս»,- պատասխանեց Արմեն Աշոտյանը։
Հիշեցնենք, Արմեն Աշոտյանի և մյուսների գործով դատարանը վկաների հարցաքննության փուլում է։ Վկայի միջնորդությամբ նիստերը իրականացվում են առանց տեսանկարահանման:
Նելլի ԳՐԻԳՈՐՅԱՆ
