«Իրականում Մամիկոն Ասլանյանի միջոցով կարելի է բազմաթիվ օրինակներ բերել: Այժմ այստեղ նստած է Նարեկ Մալյանը, զինվորականներ, eրկրորդ բանակային կորպուսի նախկին հրամանատար, Նուբարաշենում Արմեն Աշոտյանն է, Արմավիր ՔԿՀ-ում մեկ տասնյակից ավելի մեր հայրենակիցներ են, որոնց ձերբակալել էին հուլիսի 12-ի դեպքերի ժամանակ »,-լրագրողների հետ զրույցում ասաց ազատ արձակվող քաղբանտարկյալ Մամիկոն Ասլանյանին սպասող «Հայաստան» խմբակցության պատգամավոր Գեղամ Մանուկյանը՝ անդրադառնալով քաղբանտարկյալներին եւ բոլոր նրանց, որոնք բանտարկված են քաղաքական դրդապատճառներով:
Պատգամավորի խոսքով. «Բոլորը Նիկոլ Փաշինյանի անձնական վրեժխնդրության զոհերն են: Մամիկոն Ասլանյանի խափանման միջոցը փոխելու լուրը շատերն ուրախությամբ են ընդունում, բնականաբար ուրախություն կա, բայց կա նաեւ այն ողբերգական վիճակը, որ դու հասկանում ես՝ 2 տարի, 7 ամիս մարդը անազատության մեջ էր՝ քաղաքական նպատակահարմարությունից, իշխանությունների անձնական վրեժխնդրությունից ելնելով:
Դեռ Մամիկոն Ասլանյանի դեպքը մի քիչ յուրահատուկ է… Մամիկոնը դեռ առաջին ճակատում չէր ընդդիմադիր պայքարի, ուղղակի ձերբակալվել էր, կալանքի տակ էր 2 տարի 7 ամիս՝ մեկ բանի համար, որ այս իշխանության քիմքին ոչ հաճո կարող էր համայնքի ղեկավար լինել: Եվ այս իրավական խայտառակ անարդարությունը, եթե Նիկոլ Փաշինյանով է պայմանավորված, միայն ինքը չէ, այստեղ քննիչներն են, դատախազը, դատավորը…Նույնը Երեւան ՔԿՀ-ն է, հայտնի ԿԳԲ-ի մեկուսարանը, որտեղ 2,5 տարի է Արցախի պաշտպանության բանակի նախկին հրամանատար Միքայել Արզումանյանն է նստած, Հայաստանի պաշտպանության նախկին նախարար Դավիթ Տոնոյանը…
Համատարած է այս խայտառակությունը, եւ սրան զուգահեռ կա մի ողբերգություն՝ Հայաստանում չկա քաղհասարակություն, տարիներով ձեւավորված իրավապաշտպան կազմակերպություններից գրեթե ծպտուն չի լսվում»:
Կարդացեք նաև
Գոհար ՀԱԿՈԲՅԱՆ
