ՀՀ փոխվարչապետ Մհեր Գրիգորյանի գրասենյակը չի տրամադրում Տավուշում տեղադրված սահմանային սյուների կոորդինատները: Սկզբում փոխվարչապետի գրասենյակից Sputnik Արմենիային հայտնել են, որ աշխատանքները շարունակվում են, իսկ հիմա չեն պատասխանում։
Ինչպես հայտնում է «Ազատությունը» «Գլխավոր դատախազությունը հրաժարվում է հայտնել՝ Կիրանցում սեփականության վկայականների տրամադրման հիմք դարձած կադաստրային քարտեզների անճշտությունները պարզելու նպատակով կառավարությունից գրություն ստացե՞լ է։
««Ազատության» գրավոր հարցին ի պատասխան վարչապետ Նիկոլ Փաշինյանի կաբինետի նախկին անդամ Աննա Վարդապետյանի ղեկավարած կառույցը մերժել է տեղեկության տրամադրումը՝ այն համարելով գաղտնիք պարունակող, այն դեպքում, երբ նույն հարցին մոտ մեկուկես ամիս առաջ պատասխանել էին՝ առանց որևէ պնդման, թե հարցը գաղտնիք է պարունակում։
Ընդ որում՝ այն ժամանակ ասել էին, թե կադաստրային քարտեզներում առկա անճշտությունները պարզելու հարցով կառավարությունից որևէ գրություն չեն ստացել:
Կարդացեք նաև
«Եթե չեմ սխալվում, համապատասխան գրությունով կարծեմ դատախազությանն ուղարկվել է, որպեսզի պարզեն եղելությունն էդ քարտեզների հետ կապված», – ասել է վարչապետի աշխատակազմի ղեկավար Արայիկ Հարությունյանը:
Եթե գրություն ուղարկել-չուղարկելու հարցը գաղտնիք է, նշանակո՞ւմ է՝ արդյոք, որ վարչապետի աշխատակազմի ղեկավար Արայիկ Հարությունյանը հունիսի 3-ին խորհրդարանում նման հայտարարություն անելով օրենք է խախտել: Պատասխանը ստանալու համար դիմել ենք դատախազություն:
Կադաստրային քարտեզներում առկա անճշտությունների հարցով գլխավոր դատախազություն գրություն ուղարկվե՞լ է, թե՞ ոչ, փորձել ենք պարզել նաև կառավարությունից:
Վարչապետի աշխատակազմի ղեկավարն էր հավաստիացրել, թե գրավոր հարցման դեպքում առավել հստակ կասեն: Հարությունյանին ուղղված մեր հարցը, սակայն, մնացել է անպատասխան, այն վերահասցեագրվել է Կադաստրի կոմիտե, որտեղից 5-րդ օրն է՝ արձագանք դեռ չկա».- հայտնում է «Ազատությունը»:
