Հուլիսի 14-ին, ժամը 17:31-ին Ճգնաժամային կառավարման ազգային կենտրոն ահազանգ է ստացվել, որ Երևանի Կիևյան փողոցի շենքերից մեկի մոտակայքում ծառը կոտրվել և ընկել է կայանած ավտոմեքենայի վրա․ անհրաժեշտ է փրկարարների օգնությունը։
Դեպքի վայր է մեկնել ՆԳՆ ՓԾ Փրկարարական ուժերի վարչության Հատուկ նշանակության փրկարարական աշխատանքների իրականացման կենտրոնի փրկարարական խումբը։
Պարզվել է, որ ծառը շրջվել է «Nissan» մակնիշի ավտոմեքենայի (վարորդ՝ Դ․ Ե․, ծնված 2000 թ․) վրա՝ վնասելով այն․ վնասվել են նաև էլեկտրական մալուխներ։
Փրկարարները ծառը և էլեկտրական մալուխները հեռացրել են ավտոմեքենայի վրայից:
Կարդացեք նաև
ՀՀ Ներքին գործերի նախարարության փրկարար ծառայություն
