Այսօր Աբովյանում աջակիցների հետ հանդիպման ժամանակ «Տավուշը հանուն հայրենիքի» շարժման առաջնորդ Բագրատ սրբազանը հայտարարեց. «Սա իմ պայքարն է սատանայի դեմ՝ նեռի, որը մեր երկրում մարմնավորված նստած է կառավարության թիվ 1 շենքում: Ինքն էլ գիտի դրա մասին: Իրենց ամառանոցում էլ շատ անհանգստացած են այդ թեմայով: Լիքը բաներ են գալիս ինձ հասնում: Այս պայքարը հոգեւորականի պայքար է բնականաբար: Առաջիկայում շատ բաներ ունեմ պատմելու, դուք կիմանաք: Պարբերաբար տուն են հրավիրում գուշակների՝ կախարդների, անուն-ազգանունները չեմ իմանում, բայց ինչ անում են՝ գիտեմ: Միգուցե Հայաստանից էլ չի: Հավաստի գիտենք` ինչ է տեղի ուենում դրա համար ամուսիններով խառնված են իրար, դրա համար զոռով հանում ուղարկում են հեծանիվ քշելու, զոռով հանում ուղարկում են շրջագայության՝ մարզեր»:
Հետո Բագրատ սրբազանը պատասխանեց բնակիչների հարցերին: Նրանցից մեկը հարցրեց՝ իշխանափոխությունից հետո ո՞վ պետք է լինի երկրի ղեկավարի պաշտոնում:
Բագրատ սրբազանը պատմեց, թե ինչպես մայիսի 9-ից հետո հայտարարեց, որ պատրաստ է այդ պատասխանատվությունը վերցնել իր վրա. «Առաջարկեցին ու առաջադրեցին, որ Բագրատ արքեպիսկոպոս Գալստանյանը ստանձնի դա: Այն, ինչ տեղի է ունենում, դա ոչ իմ ցանկություն է եղել, ոչ նպատակը, ոչ էլ երազանքը: Ես իմ չափն էլ գիտեմ, կարողություն էլ, տեղն էլ: Այդուհանդերձ, հանգամանքները այդպես են դասավորվել: Ինձ համար ամենակարեւորը այս պայքարի արդյունքը հաղթանակով արձանագրելն է: Հիմա դա կլինեմ ես, թե հանգամանքները կբերեն, որ այլ կերպ կզարգանա, միայն եւ միայն արդյունքն է կարեւոր:
Լաուրա ներկայացած աղջիկն արձագանքեց, որ երկրի ղեկավարի պաշտոնում պետք է լինի միայն նա, ով ստացել է դիվանագիտական կրթություն. «Ոնց որ լրագրողը դարձավ երկրի ղեկավար, նորմալ չէր…»: Բագրատ սրբազանը պատասխանեց, որ ճիշտ է. «Թող լինի ոչ միայն դիվանագետ, տնտեսագետ, բոլորը միասին թող լինի, բայց պետք է պատասխանատվություն ստանձնեն դրա համար մարդիկ: Ինչ դու ասում ես, լրիվ ճիշտ է: Ամեն դեպքում, եթե իմ անձին է վերաբերում, ես դեղին մամուլ չեմ ներկայացրել կյանքում»:
Կարդացեք նաև
Մանրամասները՝ տեսանյութերում
Հռիփսիմե ՋԵԲԵՋՅԱՆ
