Հարցազրույց ՀՀ արտակարգ եւ լիազոր դեսպան, ԱԺ նախկին փոխնախագահ Արա Սահակյանի հետ։
– Կիրանցի բնակիչները ճանապարհ էին փակում, չէին ուզում հանձնել իրենց հողերը։ Բայց հաշտվեցին իրականության հետ, փոխհատուցում են ստացել կառավարությունից ու կարծես թե այլեւս չեն բողոքում։ Ի՞նչ պատահեց։
– Եթե Հայաստանի Հանրապետության մասին դատենք Հ1-ի ռեպորտաժներով, քարոզչական նյութերով, ապա ամեն ինչ հրաշալի է, շատ լավ է` խնդիր չկա։ Ես ապրել եմ այդպիսի երկրում, անունը Սովետական Միություն էր, երբ հեռուստատեսությամբ ասում էին մի բան, մարդկանց տներում բոլորովին այլ խնդիրներ էին քննարկվում։ Մեր երկրում հաստատվում է մի մարդու դիկտատուրա, որը ժողովուրդը տեսնում է, մերժում է եւ կոնսոլիդացվում։ Հայաստանում տեղի է ունեցել իշխանության թեւերի միջեւ հավասարակշռման, զսպման մեխանիզմների ոչնչացում։ Գործադիրի եւ օրենսդիրի միջեւ գոյություն չունի լիազորությունների եւ իրավասությունների տարանջատում։ Կառավարությունն ԱԺ-ում ձեւավորել է մեծամասնություն, որտեղ բանավեճ չկա։ Ընդդիմությունից ամեն ինչ է պահանջվում՝ չիմանալով, որ ԱԺ-ում փոքրամասնություն են։ ՔՊ-ն վաղուց դեմոկրատական սկզբունքներից հեռացել է։ Հայաստանում գոյություն չունի քաղաքական բանավեճ, կա մի մարդու տեսակետ, Նիկոլ Փաշինյանը նույնիսկ թիմ չունի։ Այդ թիմն էլ իրեն հլու-հնազանդ մարդկանց մի խումբ է։
– Եթե արտահերթ ընտրություններ չլինեն, ապա 2026-ին կկայանան խորհրդարանական հերթական ընտրությունները։ Ի՞նչ շանսեր ունի Փաշինյանի թիմը, ո՞ր ուժերը կհայտնվեն օրենսդիրում։
Կարդացեք նաև
– Ես ամեն ինչ կանեմ, որ ՔՊ-ն չանցնի խորհրդարան, եթե անգամ անցնի, ապա չլինի մեծամասնություն։ Ապագա խորհրդարանի պատկերը տեսնում եմ, օրինակ` իմ նկարն այնտեղ չի լինելու, որն էական հանգամանք է։ Նոր ուժեր կգան ասպարեզ, արեւմտյան ուժերը մոտենում են 5 տոկոսի շեմին։ Սա` այսօրվա դրությամբ: Սակայն ընտրություններին կա դեռեւս 2 տարի, մի շտապեք, եկեք խոսենք այսօրվա հոգսերից, Հայաստանը գտնվում է վատ վիճակում, նրա քաղաքական պատասխանատուները չեն պատկերացնում, թե որոնք են այն քայլերը, որով երկիրը կզարգանա, կամրապնդվի։
Լիա ՍԱՐԳՍՅԱՆ
Հոդվածն ամբողջությամբ՝ «Հրապարակ» օրաթերթի այս համարում
