Ermenihaber. Թուրքիայի վարչական դատարանը Ստամբուլից հեռարձակվող «Açık Radyo»-ի գործունեության դադարեցման մասին որոշում է կայացրել:
«Açık Radyo»-ն տարածած հայտարարության մեջ նշել է, որ իր գործունեությունը կդադարեցնի մինչև վարչական դատարանը նոր որոշում ունենա:
Հիշեցնենք, որ Թուրքիայի «ռադիոյի և հեռուստատեսության բարձրագույն խորհրդի» (RTÜK) կողմից «Հայոց ցեղասպանություն» եզրույթի եթերում հեռարձակման համար «Açık Radyo»-ն նախ տուգանվել էր և ենթարկվել պատժի՝ զրկվելով 5 օր հեռարձակման իրավունքից, ապա զրկվել հեռարձակման իրավունքի լիցենզիայից:
Չնայած RTÜK-ի որոշումներին ռադիոն հայտարարել էր հեռարձակումը շարունակելու և տեղի ունեցածին իրավական լուծում տալու մասին: Նույնիսկ ռադիոյի օգտին մի շարք լրագրողներ և քաղաքական գործիչներ ստորագրահավաք էին սկսել՝ RTÜK-ի որոշումը որակելով ոչ իրավաչափ:
