ՀՀ հակակոռուպցիոն դատարանում այսօր դատավոր Վահե Դոլմազյանի նախագահությամբ շարունակվում է ՀՀԿ փոխնախագահ Արմեն Աշոտյանի եւ մյուսների գործով դատը: Դատարանն այսօր քննելու է Արմեն Աշոտյանի խափանման միջոցի հարցը։
«Եթե լինի այս ոչ բարով ղեկավարի որոշումը՝ Արմեն Աշոտյանին ազատ արձակելու մասին, ազատ կարձակեն, եթե անգամ մենք առարկենք»,-նիստից առաջ, լրագրողների հետ զրույցում ասաց Արմեն Աշոտյանի պաշտպան Տիգրան Աթանեսյանը։
Մանրամասները՝ տեսանյութում
Կարդացեք նաև
ՀՀ նախկին վարչապետ Խոսրով Հարությունյանի, որն այսօր անձնական երաշխավորություն է ներկայացնելու Արմեն Աշոտյանին ազատ արձակելու համար, հույսը դատական համակարգի ներկայացուցիչների բանականությունն է։ Նա գտնում է, որ Արմեն Աշոտյանը եւ նրա նմանները Հայաստանի քաղաքական համակարգը կառողջացնեն եւ առողջացնում են։
Ինչ վերաբերվում է միջազգային կառույցների խուսափողական կեցվածքին՝ Արմեն Աշոտյանին քաղբանտարկյալ համարելու հարցում, Խոսրով Հարությունյանը դա պայմանավորեց երկակի ստանդարտներով։
«Աշոտյանի պարագայում իշխանությունները սայթաքեցին, սխալվեցին»,- կարծում է Խոսրով Հարությունյանը
Մանրամասները՝ տեսանյութում
Հիշեցնենք, Արմեն Աշոտյանն արդեն մոտ մեկ տարի է՝ անազատության մեջ է։ Արմեն Աշոտյանը եւ գործով մյուս մեղադրյալները մեղադրվում են պաշտոնեական դիրքի չարաշահման եւ պետական միջոցների վատնման մեջ։ Նրանցից, ընդհանուր առմամբ, 905 միլիոն դրամի բռնագանձման պահանջ ունի դատախազությունը։
Մանրամասները՝ տեսանյութում
Նելլի ԳՐԻԳՈՐՅԱՆ
