Հայաստանը պետք է վերականգնի Հարավային Կովկասում իր դիրքը, որն ունեցել է մոտ 30 տարի, ինչի արդյունքն էր կայունությունը, խաղաղությունն ու կանխատեսելիությունը. այս մասին այսօր «Տավուշը հանուն հայրենիքի» շարժման հավաքի ժամանակ իր ելույթում ասաց քաղաքագետ Հրանտ Մելիք-Շահնազարյանը:
«Դրանք գործիքներ էին, որոնք անհրաժեշտ էին բոլորին` Ռուսաստանին, Արևմուտքին, Իրանին։ Այսինքն, բոլոր գլխավոր աշխարհաքաղաքական կենտրոններին պետք էր կայունություն, խաղաղություն ու տարածաշրջանում դա ապահովում էր Հայաստանն` Ադրբեջանին զսպելու իր կարողությամբ»,- ասաց քաղաքագետը:
Քանի դեռ Հայաստանն իր մեջքը չի շտկել, ըստ քաղաքագետի, որեւէ մեկը մեզ հետ չի պայմանավորվելու, միշտ պայմանավորվելու են մեր հաշվին. «Պայմանավորվելու են ավելի կանխատեսելիների հետ, ինչպես հիմա անում են Ալիևի օրինակով, Ալիևի, որին նախորդ իշխանությունների ժամանակ աշխարհում ոչ ոք լուրջ չէր ընկալում, ու նա չկար քաղաքականության մեջ։ Հայաստանը պետք է նորից դառնա Հարավային Կովկասում քաղաքական խնդիրներ լուծող, օրակարգեր սպասարկող, անվտանգություն ապահովող և ինքնաբավ երկիր»:
Մանրամասները՝ տեսանյութում
Կարդացեք նաև
Նելլի ԳՐԻԳՈՐՅԱՆ
