Այսօր սուրբ Աննա եկեղեցու բակում «Տավուշը հանուն հայրենիքի» շարժումը հավաք է կազմակերպել՝ Սահմանադրության օրվա առիթով: Հավաքին մասնակցում էր նաեւ Արցախի ԱԺ «Արդարություն» խմբակցության ղեկավար Դավիթ Գալստյանը:
Նա լրագրողների հետ ճեպազրույցում, խոսելով Փաշինյանի ուղերձի ու հայտարարության մասին, թե Սահմանադրությունը պետք է փոխել, ասաց. «Փաշինյանը կրկնում է թուրք-ադրբեջանական տանդեմի խոսքերը: Նրանք պահանջ են դրել եւ այդ պահանջները անվերջ են: Ադրբեջանն ու Թուրքիան շատ վաղուց են խոսում, որ Հայաստանի Սահմանադրությունը պետք է փոխվի: Այն թեզերը, որով այս մարդը եկավ իշխանության, ասելով՝ երբ Արցախի խնդրի լուծման տարբերակներ լինեն, կներկայացնի հանրությանը, ասելով, որ Արցախը Հայաստան է եւ վերջ, այնպիսի լուծում պետք է լինի, որը բավարարի Հայաստանի, Արցախի եւ Ադրբեջանի ժողովրդին, տեսանք, որ այդ ամենը բերեցին, փաթեթավորեցին հայ ազգի գլխին եւ այնպիսի որոշումներ ու գործողություներ են այսօր կատարում, որ միայն ու միայն բավարարում են ադրբեջանական ու թուրքական իշխանություններին: Այսօր շատ մարդիկ հասկանում են այդ ամենը եւ ինձ չի թվում, որ մեր ժողովուրդը թույլ կտա այս իշխանություններին վերջին մեխը խփել Հայաստանի դագաղի վրա»:
Մանրամասները՝ տեսանյութում
Կարդացեք նաև
Հռիփսիմե ՋԵԲԵՋՅԱՆ
