Այսօր սուրբ Աննա եկեղեցու բակում «Տավուշը հանուն հայրենիքի» շարժումը հավաք է կազմակերպել՝ Սահմանադրության օրվա առիթով:
Լրագրողները Բագրատ սրբազանին փոխանցեցին՝ մինչ մենք շնորհավորում ենք, իշխանությունները հայտարարում են Սահմանադրությունը փոխելու անհրաժեշտության մասին, մինչ այդ Ալիեւն էլ այդ մասին խոսել: Նա արձագանքեց. «Մենք պետք է խոսենք իրենց փոփոխության մասին, որ սահմանադրությունը մնա»:
Դիտարկմանը՝ գործընթացերը դանդաղում են, իշխանություններն ասում են՝ ամառ է, կհովանա, նորից դուրս կգան փողոց՝ Բագրատ սրբազանը պատասխանեց. «Էդ մարդկանց ցինիզմը, գռեհկաբանությունը ինչի՞ պետք է լսենք, իրենք ամեն ինչ չափում են իրենց արշինով, իրենք չեն ուզում ասեն, որ արյունատենչ մարդասպաններ են ու այդ տրամադրությամբ են պատրաստ ամեն ինչի գնալու: Ամառվա հովանալու, շոգելու խնդիր չկա, էս ժողովուրդը հազար անգամ դրա մասին խոսել է»:
Բագրատ սրբազանն ասաց, որ այս իշխանությունների Հայաստանը ֆեյսբուքի Հայաստան է:
Կարդացեք նաև
Լրագրողներն ասացին, որ իշխանական պատգամավորները այսօր Կիրանց են գնացել ու սոցցանցերում լուսանկարներ հրապարակել հպարտ կեցվածքով՝ ասես ամեն ինչ լավ է: Բագրատ սրբազանն արձագանքեց. «Դուք մեր Գոհարիկի գրառումը տեսե՞լ եք, բա էլ ինձ ինչի՞ եք հարցնում, պարզ չի՞, որ էդ մարդիկ երես չունեն, թող գնան գյուղացիներին հանդիպեն, իրենք գնացել են ինչ-որ ծառ, թուփ են գտել: Մեր երեխու գրառումը բավարար է՝ պստիկ Գոհարիկի:
Մանրամասները՝ տեսանյութում
Հռիփսիմե ՋԵԲԵՋՅԱՆ
