Aravot.am-ի տեղեկություններով՝ ԱԱԾ-ից օպերատիվ տեղեկություններ են ստացվել, որ ՀՀ Կառավարության 2022 -2023 թվականների որոշումներով հայտարարված 25-օրյա վարժական հավաքների կազմակերպման նպատակով պահեստազորում հաշվառված անձանց ծանուցելու համար Դիլիջանի համայնքապետարանին սահմանված կարգով տրվել է թվով 1894 հատ ծանուցագիր, որոնցից թվով 938-ի դեպքում որևէ աշխատանք չի իրականացվել և հետ է վերադարձվել զինկոմիսարիատ:
Այն դեպքում, երբ «Պաշտպանության մասին» ՀՀ օրենքի 12-րդ հոդվածի 11-րդ կետի համաձայն ՏԻՄ-երը ապահովում են զորահավաքի ժամանակ զորահավաքային զորակոչի ենթակա քաղաքացիների ծանուցումը:
Բացի այդ 2023թ. վերադարձված ծանուցագրերից 19-ի դարձերեսին Դիլիջանի համայնքապետարանի համապատասխան աշխատակիցների կողմից կազմված տեղեկանքներում նշվել է, որ ծանուցվողը գտնվում է ՌԴ-ում, այնինչ վերջիններս ծանուցման պահին գտնվել են ՀՀ-ում:
Մասնավորապես՝ Ա. Ա-ն Դիլիջանի համայնքապետարանի աշխատակազմի առաջատար մասնագետ 25-օրյա վարժական հավաքներին մասնակցելու ծանուցման վերաբերյալ կազմված տեղեկանքներից 15-ում ծանուցագրերի դարձերեսին նշել է, որ Դիլիջան համայնքի թվով 15 բնակիչներ ծանուցման պահին գտնվել են ՌԴ-ում, սակայն վերջիններս գտնվել են ՀՀ-ում:
Կարդացեք նաև
Ստացված օպերատիվ տվյալների համաձայն՝ Դիլիջանի համայնքապետարանի աշխատակազմի նախկին աշխատակից Ն. Հ.-ն էլ իր հերթին է կեղծ տվյալներ ներկայացրել: Մասնավորապես՝ Դիլիջան համայնքի թվով 1 բնակչի ծանուցագրի դարձերեսին նշել է, որ վերջինս գտնվել է ՌԴ-ում, սակայն նա գտնվել է ՀՀ-ում:
ՀՀ-ում լինելու, բայց ՌԴ-ում գտնվելու մասին կեղծ տվյալներ են համայնքապետարանից տվել նաեւ այլ քաղաքացիների վերաբերյալ:
Դեպքի առթիվ նախաձեռնվելէ քրեական վարույթ:
Դիլիջանի համայնքապետ Դավիթ Սարգսյանը Aravot.am-ին ասաց. «Խնդրում եմ դիմել պատկան մարմիններին: Ես այդ հարցերին չեմ կարող պատասխանել: ՀՀ բանակի հետ է կապված, ես չեմ կարող պատասխանել, իրազեկել՝ ինչ թվեր են: Ավել բան մի հարցրեք, հաջողություն»:
Հիշեցնենք, որ ԱԱԾ-ն նմանատիպ բացահայտումներ էր արել նաեւ Մարտունի համայնքի 2 բնակավայրերում:
Արփինե ՍԻՄՈՆՅԱՆ
