21-րդ անգամ կմեկնարկի «Ոսկե ծիրան» երեւանյան միջազգային կինոփառատոնը:
The first press conference dedicated to the start of the 21st Golden Apricot Yerevan International Film Festival took place at the Yerevan Cinema House
«Ես երջանիկ եմ այս փառատոնով եւ երջանիկ եմ նաեւ ձեզանով, որ միասին ենք սկսել այս փառատոնը»,-այդ առիթով հրավիրված ասուլիսին նշեց «Ոսկե ծիրան» երեւանյան միջազգային կինոփառատոնի հիմնադիր նախագահ Հարություն Խաչատրյանը: Նա ասաց, որ այն երիտասարդները, որոնք նախկինում որպես կամավոր աշխատում էին «Ոսկե ծիրանում», այժմ ղեկավարում են փառատոնի կարեւոր նախաձեռնությունները:
«Ոսկե ծիրան» միջազգային կինոփառատոնի գեղարվեստական տնօրեն Կարեն Ավետիսյանի խոսքով, այս տարի եւս «Ոսկե ծիրանը» հյուրընկալելու է օսկարակիր եւ փառատոնային ամենաբարձր տիտղոսների ու ակնածանքների արժանացած արվեստագետների:
Կարդացեք նաև
Կարեն Ավետիսյանը ի թիվս այլնի՝ հիշեցրեց, որ «Ոսկե ծիրանի» լիամետրաժ ֆիլմերի մրցույթի ժյուրիի նախագահն է կրկնակի oսկարակիր Ալեքսանդր Փեյնը, որի հեղինակած 8 լիամետրաժ ֆիլմերն առաջադրվել են ընդհանուր թվով 24 Օսկարի։ Նա թվարկեց բոլոր հնչեղ անունները: Ասաց, որ փառատոնը կբացվի Ատոմ Էգոյանի «Յոթ քող» ֆիլմով:
The first press conference dedicated to the start of the 21st Golden Apricot Yerevan International Film Festival took place at the Yerevan Cinema House
Կարեն Ավետիսյանի ձեւակերպմամբ, կինոն համախմբող ուժ ունի, իսկ 21-րդ փառատոնը լի է կարեւոր շեշտադրումներով ու անակնկալներով: Ասաց, որ կապ է փառատոնը կապ է հանդիսանում աշխարհի եւ Հայաստանի կինոյի միջեւ:
Ասուլիսի ժամանակ աշխարհահռչակ դերասան Քեւին Սփեյսիին էլ անդրադարձ եղավ, որը «Ոսկե ծիրանի» պատվավոր հյուրն է: Քանի որ նրան մեղադրում են անչափահաս տղաների հանդեպ սեռական ոտնձգությունների մեջ, հայաստանյան որոշ հկ-ներ դժգոհել էին, թե իբր կինոփառատոնը Սփեյսին հրավիրելով քաջալերում է բռնարարներին։
The first press conference dedicated to the start of the 21st Golden Apricot Yerevan International Film Festival took place at the Yerevan Cinema House
Կարեն Ավետիսյանը պատասխանելով այս մասին հնչած հարցին, ասաց, որ բռնությունը հավասարապես դատապարտելի է ամբողջ աշխարհում։ Նաեւ ընդգծեց. «Լավ չեմ պատկերացնում դա քաջալերելու մեզ ուղղված մեղադրանքը, քանի որ բուն նյութը, որով Սփեյսին ներկայանալու է, բացառապես կապված է իր մասնագիտական որակների և հմտությունների հետ։ Այսինքն` տուրք է տրվում ոչ թե Սփեյսիի մարդ տեսակին, այլ մասնագիտական գործունեությանը։
Մենք մարդկային որակների դաշտ չենք մտնում, քանի որ չունենք դրա իրավունքը և համապատասխան գիտելիք, ինչպես եւ չունեն քննադատողները։ Եթե մենք եկել ենք ընդհանուր հայտարարի, որ կան դատական ատյաններ, որոնք հանձնառություն ունեն հարցին լուծում տալու, անկախ մեր եւ ձեր վերաբերմունքից, անձնական վերլուծություններից, պետք է դրանց հետեւել»:
Գոհար ՀԱԿՈԲՅԱՆ
