«Որքան թուլանան Եկեղեցու դիրքերը, այնքան իրենք շուտ կգնան դժոխք»,- սուրբ Աննա եկեղեցու բակում, լրագրողների հետ զրույցում, կեսկատակ-կեսլուրջ նկատեց «Տավուշը հանուն հայրենիքի» շարժման առաջնորդ Բագրատ սրբազանը՝ պատասխանելով ՔՊ-ական պատգամավոր Արսեն Թորոսյանի՝ այսօր արած հայտարարությանը:
Վերջինս, հիշեցնենք, ասել էր, որ ուրախանում է, որ Եկեղեցու դիրքերը Հայաստանում թուլանում են, քանի որ՝ որքան թուլանա Եկեղեցին, այնքան կուժեղանա պետությունը:
«Եթե պետություն լիներ, տեղում դատախազությունը կձերբակալեր՝ պետությունը մաս-մաս հանձնելու համար. Տավուշը՝ ահավասիկ»,- սա էլ Բագրատ սրբազանի հակադարձում է այսօր, դատախազության հոբելյանի առիթով Նիկոլ Փաշինյանի դրվատանքին:
«Պետության ցուցիչը Շուռնուխն է, Տավուշն է, որ դրոշները խփել են, այդքան որ խոսեցին՝ մի միլիմետր հող չեն վերադարձրել դրանք»,- ասաց սրբազանը:
Կարդացեք նաև
Մանրամասները՝ տեսանյութում
«Ամեն տեղ մարդիկ ասում են՝ չնահանջեք»,- արդեն հարթակից, սյունեցիների պատգամը սուրբ Աննա եկեղեցու բակում հավաքվածներին փոխանցեց Բագրատ սրբազանը: Հիշեցնենք, որ հանգստյան օրերին, շարժման անդամները Սյունիքում էին:
Մանրամասները՝ տեսանյութում
Նելլի ԳՐԻԳՈՐՅԱՆ
