Գյումրու ոստիկանության Մուշ բաժնի աշխատակիցները հունիսի 29-ին Մոսկվա-Գյումրի չվերթի ինքնաթիռի ժամանելուն պես հայտնաբերել ու ձերբակալել են ուղևորներից մեկին՝ 16-ամյա Ս․Ս․-ին։
Նրան տեղափոխել են Մուշ բաժին, որտեղից և ներկայացվել է նախաքննական մարմին ու խափանման միջոց ընտրվել է կալանքը։
Այս մասին տեղեկանում ենք ոստիկանության պաշտոնական կայքից՝ Police.am-ից
Այս լուրն ուշագրավ է նրանով, որ անչափահաս երիտասարդը հետախուզվել է ՀՀ քրեական օրենսգրքի երկու ծանր հոդվածների մեղադրանքով, այն է՝ 191-րդ (Մարդուն առևանգելը) և 198-րդ (Սեքսուալ բնույթի բռնի գործողությունները)։
Կարդացեք նաև
Aravot.am-ը պարզեց, որ դեպքը տեղի է ունեցել հունվարին, այն բավական աղմուկ է հանել, կապված է դպրոցահասակ մի աղջկա առևանգելու հետ։
16-ամյա այս երիտասարդից բացի՝ մեղադրանք է ներկայացված ևս երեք անչափահաս տղաների։ Նրանցից երեքը կալանավորվել են ավելի վաղ, դատարանը տնային կալանք է սահմանել նրանց դեպքում, չորրորդը դիմել էր փախուստի։
Նրան փաստորեն հայտնաբերեցին «Շիրակ» օդանավակայնում՝ ոստիկանության Մուշի բաժնի ծառայողների ձեռնարկած օպերատիվ-հետախուզական միջոցառումների արդյունքում։
Նունե ԱՐԵՎՇԱՏՅԱՆ
