Aravot.am-ի տեղեկություններով՝ իրավապահները տեղեկություններ են ստացել, որ ին 2020թ մարտի 26-ին համապատասխան որոշմամբ՝ Հայաստանի Հանրապետությունը ի դեմս ՀՀ Էկոնոմիկայի նախարարության, «Ներդրումների աջակցման կենտրոն» հիմնադրամի և «Հայաստանի զարգացման և ներդնումների կորպորացիա» ՈՒՎԿ ՓԲԸ-ի միջև կնքվել է ֆինանսական գործակալության պայմանագիր: Նշված ծրագրի շահառու է հանդիսացել նաև «Էռա Թեքնոլոջիս» ՍՊԸ-ն: Նշված ընկերության և «Հայաստանի զարգացման և ներդնումների կորպորացիա» ՈՒՎԿ ՓԲԸ-ի միջև 2020թ մայիսի 12-ին կնքված վարկային պայմանագրով ընկերությանը փուլային տարբերակով տրամադրվել է ընդհանուր 49.799.348 դրամ վարկ:
Ստանալով վարկը «Էռա Թեքնոլոջիս» ՍՊԸ տնօրեն Ա. Թ-ն նպատակային օգտագործելու փոխարեն խաբեությամբ հափշտակել է նշված գումարը պատճառելով առանձնապես խոշոր չափի վնաս: Դեպքի առթիվ նախաձեռնվել է քրեական վարույթ: Մեզ չհաջողվեց կապ հաստատել «Էռա Թեքնոլոջիս» ՍՊԸ տնօրեն Ա. Թ-ի հետ, օրեր շարունակ մեր հեռախոսազանգերը մնացին անպատասխան:
Ազդարար էլեկտրոնային ծանուցման համակարգից տեղեկացանք, որ ՀՀ պետական եկամուտների կոմիտեի իրավաբանական վարչությունում 2020 թվականին հարուցվել է վարչական վարույթ՝ «Էռա Թեքնոլոջիս» ընկերության չկատարված հարկային պարտավորությունները գանձելու վերաբերյալ ՀՀ հարկային օրենսգրքի 398-րդ հոդվածի 5-րդ մասով նախատեսված վարչական ակտ ընդունելու նպատակով:
Կարդացեք նաև
Արփինե ՍԻՄՈՆՅԱՆ
