«Ինքնախաբեություն է մտածել, թե Հայաստանի շրջափակված վիճակը պայմանավորված է արցախյան հակամարտությամբ». «APRI Armenia» ֆորումի ժամանակ լրագրողների հետ զրույցում ասել է Հայկական հետազոտական ինստիտուտի տնօրեն, «Հայկական նախագիծ» գիտակրթական ՀԿ-ի համահիմնադիր, քաղաքագետ Հրանտ Միքայելյանը:
Ըստ նրա՝ Ադրբեջանի ու Թուրքիայի կողմից կան ընդունված ռազմավարական նշանակության որոշումներ, և պատշաճ վերլուծության դեպքում Հայաստանում կգիտակցեին խնդրի ամբողջ խորությունը՝ հասկանալով, որ Հայաստանի պետականության լինելիությունն է դրված հարցականի տակ:
«Այսպիսով՝ Արցախի հանձնումով այս հարցը լուծում չունի և, հետևաբար, Արցախն այս պահի դրությամբ, ժամանակավոր ամբողջությամբ անցել է Ադրբեջանի վերահսկողության տակ, սակայն, ճանապարհները Հայաստանի համար չեն բացում: Եթե, Ադրբեջանն ու Թուրքիան, ենթադրենք, ազնիվ էին, ու ասում էին, որ փակում են ճանապարհը հակամարտության պատճառով, ինչո՞ւ հիմա չեն բացում»,- ասել է Միքայելյանը:
«Հայկական ալիք»
Կարդացեք նաև
