Այսօր Հայաստանի կիրառական քաղաքականության հետազոտական ինստիտուտի (ԱՊՐԻ Արմենիա) անկախ վերլուծական կենտրոնի ԱՊՐԻ ֆորում 2024-ին էր մասնակցում Անվտանգության խորհրդի քարտուղար Արմեն Գրիգորյանը:
Aravot.am-ը նրան հարցրեց՝ այն սահմանային սյուները, որոնք տեղադրվել են Տավուշում, արդյոք մենք կարո՞ղ ենք հանգիստ խղճով ասել, որ Տավուշն ավելի անվտանգ է դարձել՝ հաշվի առնելով նաեւ, որ վարչապետը դրան զուգահեռ նաեւ ասում էր, որ որեւէ երաշխիք չկա, որ Ադրբեջանը չի հարձակվելու: Արմեն Գրիգորյանը պատասխանեց. «Տավուշում սահմանազատման գործընթացը մեր գնահատականով ավելի շատ կայունություն է բերել, բայց ամբողջական կայունության համար բնականաբար խաղաղության պայմանագիր է պետք: Պետք է խաղաղություն, որ ամբողջովին համոզված լինենք, որ էսկալացիա չի լինելու: Սա է երաշխիքը»:
Հարցին՝ նոյեմբերի 9-ի պայմանագիրը չպահեց Ադրբեջանը, ո՞նց կարող է խաղաղության պայմանագիրը պահի՝ նա պատասխանեց, որ այդ մասին խոսել է:
Կարդացեք նաև
Սահմանազատման գործընթացի մասին լրագրողներից մեկը հարցրեց՝ եթե հիմքը 76 թվի քարտեզն է, քարտեզագիրներն ասում են, որ այդ քարտեզով Հայաստանը ստանալու է բավականին բարձունքներ՝ շատ կարեւոր, դուք նստել, դա քննարկե՞լ եք՝ նա պատասխանեց. «Ի՞նչ բարձունքներ, մենք բարձունքներ չենք քննարկում, քննարկել ենք սահմանը որտեղով է անցնում»:
Հարցրեցինք՝ հաջորդը սահմանազատում պետք է լինի Ջերմուկո՞ւմ՝ Արմեն Գրիգորյանը պատասխանեց, որ այդ հարցով դեռեւս համաձայնություն չունեն:
Մանրամասները՝ տեսանյութում
Հռիփսիմե ՋԵԲԵՋՅԱՆ
