«Հույս ունեմ, որ տեղի ունեցող քննարկումները կհանգեցնեն համաձայնագրի և թույլ կտան վերականգնել այն կայունությունը, որի կարիքը կա տարածաշրջանում»,- ԵԽԽՎ-ում ՀՀ ԱԺ պատվիրակության անդամ Սոնա Ղազարյանի հարցին՝ ի՞նչ կանի Լիտվայի նախագահությունը ԵԽ Նախարարների կոմիտեի որոշման առնչությամբ, ի՞նչ է արվելու հետագայում ՀՀ-ի և Ադրբեջանի միջև հարաբերությունների կարգավորման գործընթացին աջակցելու համար, ԵԽԽՎ ամառային նստաշրջանի լիագումար նիստի ընթացքում այսպես պատասխանեց Լիտվայի Հանրապետության ԱԳ նախարար Գաբրիելիուս Լանդսբերգիսը։
Սոնա Ղազարյանը հիշեցրեց՝ ԵԽ Նախարարների կոմիտեն մայիսի 17-ին ընդունած որոշմամբ՝ լիակատար աջակցություն է հայտնել ՀՀ-ի և Ադրբեջանի միջև խաղաղության գործընթացին։
Գաբրիելիուս Լանդսբերգիսը շեշտեց՝ Նախարարների կոմիտեն, իսկապես, իր լիակատար աջակցությունն է հայտնել խաղաղության գործընթացին․ «Հարաբերությունները կարգավորելու ամենաբարձր մակարդակը քաղաքական կամքն է և առանցքային է խաղաղության համաձայնագրի հասնելու համար՝ միմյանց տարածքային ամբողջականության և ինքնիշխանության լիարժեք հարգմամբ»։
Լիտվայի Հանրապետության ԱԳ նախարարը փաստեց՝ 2001-ին Եվրոպայի խորհրդին անդամակցելիս ՀՀ-ն ու Ադրբեջանը համաձայնել են լուծել հակամարտությունը խաղաղ ճանապարհով ու վստահեցրեց․ «Այս համատեքստում Եվրոպայի խորհրդի կողմից առաջարկված վստահության ամրապնդման միջոցառումների շարքը հասանելի է մնում երկու երկրներին՝ խթանելու երկխոսությունը և հաշտեցումը»։
Կարդացեք նաև
Տաթև ՀԱՐՈՒԹՅՈՒՆՅԱՆ
