Երեւանի ավագանու «Քաղաքացիական պայմանագիր» խմբակցության ղեկավար Արմեն Գալջյանն այսօր լրագրողների հետ ճեպազրույցում անդրադառնալով տրանսպորտի ուղեվարձի թանկացման ժամկետի հետաձգման հարցին, ասաց՝ բովանդակային փոփոխություն չի կատարվում, պարզապես ժամկետն է փոխվում, սեպտեմբերի 1-ը դառնում է հունվարի 1:
Նրա ներկայացմամբ՝ պայմանագրով հոկտեմբերին պետք է նոր ավտոբուսների մատակարարում լինի, որից հետո պետք է լինեն տեխնիկական գործընթացներ՝ վարորդների նշանակումներ համապատասխան գծերում, գործընթացներ ավտոբուսների տեխնիկական սպասարկման, գրանցման, մաքսազերծման մասով․ «Դրանով պայմանավորված՝ որոշեցինք, որ հունվարի 1-ից ուժի մեջ կմտնի որոշումը»։
Նելլի ԲԱԲԱՅԱՆ
