«Մենք գործ ունենք քաղաքական հաշվեհարդարի հետ: Այստեղ նիստը նախագահում է Նիկոլ Փաշինյանը ու դժվար է ասել, թե նա երբ հագուրդ կտա Աշոտյանի հանդեպ իր մարմաջին»,-այսօր Հակակոռուպցիոն դատարանում լրագրողների հետ զրույցում ասաց նախկին պատգամավոր Նաիրա Զոհրաբյանը՝ պատասխանելով հարցին, թե ե՞րբ վերջապես ՀՀԿ փոխնախագահ Արմեն Աշոտյանը ազատ կարձակվի:
Քիչ անց Աշոտյանի դատն է ու հարցաքննվելու են վկաները: Նաիրա Զոհրաբյանն ասաց. «Կարեն անունով վկաներից մեկը, որի հետ իբր Արմենի հեռախոսազրույցի ձայնագրությունը հիմք է հանդիսացել խափանման միջոց կալանքն ընտրելը, որ իբր Աշոտյանը ազդեցություն չունենա վկաների վրա, ես ինքս մի քանի անգամ կարդացել եմ հեռախոսազրույցի վերծանված տեքստը, մեծ երևակայության դեպքում անգամ չէր կարելի այստեղ գտնել որևէ կռվան՝ Աշոտյանին մեկ տարուց ավելի կալանքի տակ պահելու համար:
Խոսելով սահմանագծման մասին, որը, ըստ Փաշինյանի, հասկանալի է ժողովրդի համար, Նաիրա Զոհրաբյանն ասաց. «Չգիտեմ Փաշինյանը ում նկատի ունի ժողովուրդ ասելով, երևի ՔՊ խմբակցությունը և իրենց հետ ասոցացվող պաշտոնյաների և հասարակության 12-13%-ը, որի կենսաբանական ծագումնաբանությունը ինձ համար հասկանալի չէ: Ասում է՝ ամբողջ կյանքում մեր վզից պիտի խաչքա՞ր պահենք, հստակ ոչնչացնում է մեր արժեքային համակարգը: Ասում է՝ կարա՞ք՝ ձեռքս բռնեք, մեր պրոբլեմն էն է եղել, որ սրբացրել ենք բանակը: Չէ, պարզապես բետոնե «ստոլբան» չի եղել մեր անվտանգության երաշխավորը»:
Կարդացեք նաև
Հռիփսիմե ՋԵԲԵՋՅԱՆ
