2024 թվականին հունիսի 21-ին ոստիկանության ծառայողների կողմից Արցախի Հանրապետության ներկայացուցչության տարածքի դարպասը կոտրելու և տրանսպորտային միջոցն առգրավելու գործողություններ են դրսևորվել:
44 օրյա պատերազմից հետո ընդունված ՀՀ կառավարության 2021 թվականի օգոստոսի 18-ի N 1363 – Ա որոշմամբ հաստատված Հայաստանի Հանրապետության 2021-2026թթ. ծրագրի 1.2 կետի համաձայն՝ Հայաստանի Հանրապետությունը շարունակելու է լինել Արցախի ժողովրդի անվտանգության երաշխավորը և շարունակելու է աշխատել Արցախի ժողովրդի իրավունքների պաշտպանության ուղղությամբ:
Ի խախտումն Կառավարության նշված ծրագրի և ՀՀ իրավական այլ ակտերի պահանջների, Հայաստանի իշխանությունը Արցախի ժողովրդի անվտանգության իր երաշխավորի պարտականությունից փաստացի հրաժարվել է:
Թալանի դեմ պայքարի իմիտացիայով ժողովրդին բազմիցս մոլորեցրած իշխանությունը փորձում է հերթական թալանի դեպքը բեմադրել՝ Արցախի ժողովրդին հակադրելով Արցախի իշխանություններին: Արցախի տարբեր համայնքների ղեկավարների հետ կապված վերջին քրեական գործերը այս գործելակերպի վառ ապացույցներն են:
Կարդացեք նաև
Վերոնշյալը հակաարցախյան հերթական պառակտիչ գործողությունն է:
«Զարթոնք» ազգային քրիստոնեական կուսակցության գործադիր մարմինը դատապարտում է Հայաստանի իշխանությունների կողմից Արցախի Հանրապետության ներկայացուցչության և արցախցիների նկատմամբ դրսևորած պառակտիչ վարքագիծը:
Զարթոնք Ազգային Քրիստոնեական Կուսակցություն / Մամուլի Գրասենյակ
