«Տավուշը հանուն հայրենիքի» շարժման առաջնորդ Բագրատ սրբազանն ու ԱԺ «Հայաստան» խմբակցության պատգամավոր Գառնիկ Դանիելյանն այսօր այցելել են Կիրանց տեղում տեսնելու՝ սահմանային ցանկապատն իսկապես տեղադրվա՞ծ է, թե՞ ոչ։
Կիրանցի մի քանի բնակիչներին, որոնց տներն անցնում են ադրբեջանական կողմին, կառավարությունը փոխհատուցում է առաջարկում։ Կառավարության այս որոշումը շարժման առաջնորդները կասկածի տակ են դնում, քանի որ փոխհատուցում ստանալու պայմանը, ինչպես Գառնիկ Դանիելյանն ասաց, պետք է տվյալ անձը դիմում գրի ու նշի՝ առոչինչ ճանաչել իր սեփականության վկայականը, նաեւ նշի, որ այլ գույքային պահանջներ չունի։
Կիրանցում լրագրողների հետ զրույցում, Դանիելյանն ասաց՝ կան բնակիչներ, որոնք ասում են՝ չենք ուզում այդ բեռի տակ մտնել, նրանք չեն գնացել այդ գործարքին ու փոխհատուցումը ստանալու քայլին․ «Ասում են՝ եթե գնանք այդ քայլին, մենք պատասխանատվություն ենք զգում, չենք կարողանում գիշերները քնել, որ մեր գույքն անցնում է Ադրբեջանին։ Չեն ուզում այդ պատասխանատվությունը կիսել կառավարության հետ»։
Կարդացեք նաև
Դանիելյանը վստահեցրեց՝ ամբողջ պետական ապարատն աշխատում է այս մարդկանց ճնշելու, ստիպելու, պարտադրելու այդ դիմումը գրել․ «Ուժային կառույցները, տեղական ինքնակառավարման մարմինները, ամբողջ պետական ապարատն է աշխատում այս մարդկանց ճնշելու համար»։
«Ես տեղեկություն եմ ստացել, որ հատ-հատ Տիգրանաշենի բնակիչների հետ էլ են աշխատում, կամաց-կամաց սկսել են աշխատել։ Գնում, ասում են՝ կարո՞ղ է ձեր գույքն ուզենաք վաճառել։ Ամբողջ Հայաստանը դառնալու է Կիրանց, Տիգրանաշեն»։
Մանրամասն՝ տեսանյութում
Նելլի ԲԱԲԱՅԱՆ
CORRUPTION. STATE SPONSORED CORRUPTION.
Քպական իշխանությունը կորուպցիոն սխեմա է անում Կիրանցում:
Գումար են տալիս որպեսզի քաղաքացին մասնակցի հայրենիքի հանձման միջոցառմանը:
Ընդդիմադիր միտինգներին փողով մասնակից դարձնելու համար ձեռբակալում են:
Հայրենիքը հանձնելու միջոցառմանը մասնակից դարձնելու համար չե՞ն ձեռբակալում: