«Ինչպես ենք տեսնում այս խնդրի լուծումը՝ ԵՄ-ին անդամակցության հայտ ներկայացնելու հարցով հանրաքվեի անցկացնելու։ Հանրապետություն կուսակցությունը հետեւյալ առաջարկն ունի՝ այն իրականացնել ՀՀ ԱԺ որոշման տեքսով, որը կդրվի հանրաքվեի»,- «Հայաստանի` Եվրոպական միությանն անդամակցության հայտ ներկայացնելու հարցով հանրաքվե անցկացնելու առաջարկի շուրջ» թեմայով խորհրդարանական լսումների ժամանակ ասաց «Հանրապետություն» կուսակցության անդամ Արտակ Զեյնալյանը։
Ըստ նրա՝ ՀՀ ԱԺ-ն պետք է հայտարարությամբ ասի, որ հռչակում է ՀՀ ԵՄ-ին անդամակցելու գործընթացի մեկնարկի մասին։ Այս հայտարարությունը պետք է ուղարկվի ՍԴ՝ նախնական սահմանադրական վերահսկողության։ Այնուհետեւ պետք է նշանակվի հանրաքվեի օր ու իրականացվի քարոզարշավ։
«Մոտավորապես այսպես պետք է լինի՝ ՀՀ Եվրոպայի միությանն անդամակցելու գործընթացի մեկնարկի մասին․ ՀՀ ԱԺ-ն, արտահայտելով ՀՀ ժողովրդի միասնական կամքը, խնդիր դնելով ՀՀ-ն դարձնել անվտանգ, ապահով, զարգացած, բարեկեցիկ երկիր, հռչակում է ՀՀ ԵՄ-ին անդամակցելու գործընթացի մեկնարկի մասին։ Այս որոշումը ԱԺ մեկ այլ որոշմամբ պետք է դրվի հանրաքվեի եւ ուղարկվի Սահմանադրական դատարան»,- նշեց Զեյնալյանը։
«Իհարկե, միայն սա բավարար չէ, անհրաժեշտ է, որ Հայաստանի օրենքները, ենթաօրենսդրական ակտերը համապատասխանեցվեն եվրոպական ստանդարտներին։ Արդյոք դրանք համապատասխա՞ն չեն, ես կարծում եմ, որ այն օրենսդրական դաշտը, որը մենք ունենք, միանգամայն բավարար է, որպեսզի կյանքը, պրակտիկան համապատասխանի այն իրականությանը, ինչ կա ԵՄ-ում։ Խնդիրն օրենքների եւ իրավական ակտերի կատարման մեջ է»,- հավելեց նա։
Կարդացեք նաև
Մանրամասները՝ տեսանյութում
Ռոզա ՀՈՎՀԱՆՆԻՍՅԱՆ
