«Լուսավոր Հայաստան» կուսակցության նախագահ, ՀՀ հատուկ հանձնարարություններով նախկին դեսպան Էդմոն Մարուքյանի ֆեյսբուքյան գրառումը
2000 թվականի դեկտեմբերի 4-ին ՄԱԿ-ի Գլխավոր ասամբլեայի 55/76 բանաձևով որոշվել է, որ 2001 թվականից սկսած հունիսի 20-ը նշվելու է որպես «Փախստականների համաշխարհային օր»։
1988 – 1994թթ. Արցախյան առաջին պատերազմի արդյունքում հարյուր հազարավոր հայեր ադրբեջանական ագրեսիայից և ջարդերից մազապուրծ փախստական են դարձել Հայաստանի Հանրապետությունում:
2020 – 2023թթ. ադրբեջանական ագրեսիայի և Լեռնային Ղարաբաղի ժողովրդի էթնիկ զտման արդյունքում՝ Հայաստանի Հանրապետությունն ընդունել է շուրջ 150 հազար փախստական:
Կարդացեք նաև
Այս մարդիկ զրկվել են միջազգային իրավունքով ամրագրված իրենց բնօրրան, հայրենիք վերադառնալու անբեկանելի իրավունքից։
Այսօր Հայաստանի որևէ պետական պաշտոնատար անձ կամ գերատեսչության ներկայացուցիչ Հայաստանում գտնվող փախստականների խնդրից, ինչպես նաև նրանց վերադարձի իրավունքից չի խոսել և չի բարձրաձայնել այն։ Մինչդեռ Ադրբեջանի ԱԳՆ-ն X սոցիալական հարթակում գրել է «ադրբեջանցի փախստականների արժանապատիվ և անվտանգ վերադարձի» մասին։
