«Մենք ակնկալում ենք, որ մեր հայ գործընկերները, իսկ մենք մնում ենք դաշնակիցներ, այնուամենայնիվ, կհասկանան, որ տարածաշրջանային անվտանգության ապահովման ամենաարդյունավետ եղանակը տարածաշրջանային պետությունների համագործակցությունն է», – «ՌԻԱ Նովոստի»-ի հետ հարցազրույցում ասել է ՌԴ փոխարտգործնախարար Միխայիլ Գալուզինը:
«Մոսկվան հույս ունի, որ Երևանը կհասկանա` ՀԱՊԿ հարթակը անվտանգության հարցերում համագործակցության բոլոր հնարավորություններն է տալիս»,- նշել է նա:
Ըստ Գալուզինի՝ Հարավային Կովկասում արևմտյան օրակարգը ոչ միշտ է համապատասխանում տարածաշրջանի երկրների շահերին:
«Այսօր Արևմուտքը շարժվում է դեպի Հարավային Կովկաս՝ բացահայտ հակառուսական կոնֆրոնտացիոն օրակարգով: Մենք տարածաշրջանային պատասխանատվությանն ենք հակված և՛ անվտանգության ապահովման առումով, և՛ Հարավային Կովկասում ու այլ տարածաշրջաններում տնտեսական ինտեգրման առումով»,- նշել է ՌԴ փոխարտգործնախարարը։
