«Տավուշը հանուն հայրենիքի» շարժման առաջնորդ Բագրատ սրբազանն այսօր հրավիրված ասուլիսում արձագանքեց Սյունիքի մարզի սահմանային բնակավայերից մեկի բնակչին, որը Փաշինյանի հետ հանդիպման ժամանակ իրենց խնդիրներից էր պատմել։
«Կարծեմ Շուռնուխի բնակիչ էր, ասում էր՝ 30 տարի վարուցանքս չենք արել։ 30 տարի դիմացդ ի՞նչ է եղել, դու 30 տարի թո՞ւրք ես տեսել, 30 տարի քո սահմանը Հորադիզում էր, ինչ հողեր էին մշակում դիմացդ, անասնապահություն անում, կիսվա՞ծ Շուռնուխ էր 30 տարի, Գորիս-Կապան ճանապարհից զրկվա՞ծ էիր»,-ասաց սրբազանը։
Նա նշեց, որ վերջերս Գեղարքունիքի մարզ էին այցելել, Սոթքում էին․ «Կաթսայի մեջ է այդ գյուղը, թշնամու կողմից շրջափակված, 30 տարի էդպե՞ս է եղել»։
Անդրադառնալով Փաշինյանի նշած ՀՀ տարածքին՝ 29,743 քառակուսի կիլոմետրին, սրբազանն ասաց․ «Ասում է՝ հանրագիտարանից է կարդացել, հետո երեւի «Կոմսոմոլսկայա պրավդա» է կարդացել, կամ նոր ոտքի վրա ստեղծված հանրագիտարան։ Բա 29,743-ից քանի հազար քառակուսի կիլոմետրն այսօր քո վերահսկողության ներքո չի։ Պարզ ասա։ Որոշ տվյալներով 400, որոշներով՝1000։ Հիմա փաստացի ՀՀ-ն քանի՞ հազար քառակուսի կիլոմետր է, թող ասեն»։
Կարդացեք նաև
Նելլի ԲԱԲԱՅԱՆ
