Ռուսաստանը չի հրաժարվում ռազմատեխնիկական ոլորտում Հայաստանի հետ համագործակցությունից, արտաքին քաղաքականության ընթացիկ հարցերի վերաբերյալ ճեպազրույցում ասել է ՌԴ ԱԳՆ պաշտոնական ներկայացուցիչ Մարիա Զախարովան:
ՌԴ ԱԳՆ պաշտոնական ներկայացուցչի խոսքով՝ ռազմական արտադրանքի մատակարարումներն այլ երկրներ կատարվում են հաշվի առնելով Հյուսիսային ռազմական օկրուգի կարիքները, իսկ զենքի որոշ տեսակների նկատմամբ սահմանափակումները վերաբերում են ոչ միայն Հայաստանին, այլ նաև այլ գործընկերներին։
«Այդուհանդերձ, Երևանի հետ ռազմատեխնիկական համագործակցության ոլորտում շփումները կանոնավոր են, և Մոսկվան այդ կողմից որևէ բողոք չի լսել»,- նշել է Զախարովան։
Հիշեցնենք՝ ՌԴ փոխարտգործնախարար Միխայիլ Գալուզինն ավելի վաղ հայտարարել էր, թե Հայաստանի անցումը ԱՄՆ-ի և ՆԱՏՕ-ի «հովանոցի» տակ անհնարին կդարձնի Ռուսաստանի Դաշնության և ՀԱՊԿ-ի շրջանակներում միասնական պաշտպանական տարածքի պահպանումը։
