Այսօր «Հայաքվեի» անդամ Մենուա Սողոմոնյանը լրագրողների հետ զրույցում ասաց. «Իրականացվում է ոչ թե սահմանազատում այլ սահմանազավթում, օրինակ, Գորիս-Կապան ավտոճանապարհի վրա պոստի գոյությունը խոսո՞ւմ է սահմանազավթման մասին: Մաս-մաս ադրբեջանցիները ՀՀ-ին ճնշելով՝ պոկում են տարածքներ, բնակավայրեր, ստիպում են մարդկանց տեղաշարժվել, տնահան լինել: Այն, ինչ արվում է Նիկոլ Փաշինյանի կողմից, հոմանիշ է պատերազմի: Խաղաղության հետ որեւէ կապ չունեցող գործընթացներ են»:
Հարցին՝ եթե շարժումը հաջողի, մեր սահմանները հնարավո՞ր է վերականգնել՝ նա պատասխանեց, որ միջազգային հարաբերությունների մեջ կարեւոր գործոններ են ուժը եւ դիվանագիտությունը, իրավունքը եւս կարեւոր գործոն է: Կարեւոր է, որ ՀՀ-ի ղեկին լինեն իշխանություններ, որոնք լինեն պրոֆեսիոնալ, առաջնորդվեն ՀՀ շահով, հայ ժողովրդի հավաքական կամքով ու կամքը վերածեն կարողության»:
Նա խայտառակ որակեց ներկայումս Հայաստան-սփյուռք հարաբերությունները: Անդրադառնալով «Տավուշը հանուն հայրենիքի շարժմանը»՝ նա ասաց. «Մենք պայքարում ենք կազմակերպված համակարգի դեմ, որին աջակցում են Անկարան եւ Բաքուն: Շարժումը անպայման հաջողելու է,պետք չի ասել՝ եթե 15 օրում չեղավ, ուրեմն տապալված է: Ամեն շարժում իր առանձնահատկությունն ունի»:
Կարդացեք նաև
Հռիփսիմե ՋԵԲԵՋՅԱՆ
