Հունիսի 15-ից մեկնարկեց Արցախից բռնի տեղահանվածներին բնակարաններով ապահովելու ծրագիրը։ Շահառուներն արդեն կարող են լրացնել առցանց դիմումները՝ նախարարության կայքէջում, ծրագրի առաջին բաղադրիչի՝ բնակարանի, կառուցվող շենքից անհատական բնակարանի կամ սեփական տան շինարարության համար․ այս մասին այսօր «Արմենպրեսի» մամուլի սրահում կայացած ասուլիսում տեղեկացրեց Աշխատանքի եւ սոցիալական հարցերի նախարարության տարածքային ստորաբաժանումների առանձին ստորաբաժանումները համակարգող Գայանե Ղարագյոզյանը։
Առաջին փուլով ներկայացվում են ընտանիքի անդամների անձնագրային տվյալները, նշվում է ընտանիքի անդամների կապը։ Ծրագրից օգտվելու համար կարեւոր պայման է ՀՀ քաղաքացիություն ունենալը։ Նույնականացումները հաստատվելուց հետո, ընտանիքը՝ նշված էլեկտրոնային հասցեով ստանում է QR կոդը, որով էլ տրամադրվում է հավաստագիրը։ Մերժման դեպքում նույնպես նշված էլեկտրոնային հասցեին նամակով տեղեկացվում է, սկսվում է թերությունները շտկելու փուլը։
Մանրամասները՝ տեսանյութում
Կարդացեք նաև
Նելլի ԳՐԻԳՈՐՅԱՆ
