Ռուսական կապիտալով ՀՀ-ում գործող «Արմենալ» ընկերությունը Հայաստանի արդյունաբերության կարեւոր միավորներից մեկն է։ Այս մասին այսօր հրավիրված ասուլիսում հայտարարեց էկոնոմիկայի նախարար Գեւորգ Պապոյանը՝ պատասխանելով հարցին՝ տեղեկություններ կան, որ ռուսներն ուզում են գործարանը վաճառել, սարքավորումները դուրս բերել ՀՀ-ից։
«Ես եղել եմ գործարանում, այն աշխատում է բավականին մեծ ծավալներով։ Տարբեր հանգամանքներով պայմանավորված՝ ՌԴ-ի դեմ արևմտյան պատժամիջոցներ, իրացման շուկաներ հետ կապված խնդիրներ․․․ բայց ՀՀ կառավարության եւ էկոնոմիկայի նախարարության դիրքորոշումն այն է, որ գործարանը եղել է, կա ու պետք է լինի։ Դա շատ կարեւոր տնտեսական ակտիվ է Հայաստանի համար»,-ասաց Պապոյանը։
Նա նշեց՝ կարող են բաժնետերերի հետ կապված հարցեր լինեն․ «Այնտեղ կան բիզնես բանակցություններ, իմ մեկնաբանությունները գուցե խանգարեն։ Մենք ամեն ինչ անում ենք եւ կանենք, որպեսզի ՀՀ-ում լինի այդպիսի ակտիվ արտադրական հսկա»։
Նելլի ԲԱԲԱՅԱՆ
